Ураджай-2020

Летні кругаварот у полі

Колькі сабралі і колькі засталося

Спякотная пара ў сельгаспрадпрыемствах раёна, уборка ідзе бесперапынна: зжалі адну культуру — узяліся за другую. Як праходзіць збор ўраджаю, даведаліся ў першага намесніка начальніка ўпраўлення па сельскай гаспадарцы і харчаванні райвыканкама Дзмітрыя Куліка. Усе прыведзеныя далей паказчыкі прыходзяцца на ўчарашнюю раніцу.

Азімая сурэпіца ўжо ўпарадкавана. Усяго па раёне ўбрана 603 гектары, з якіх намалацілі 459 тон. Такім чынам, сярэдняя ўраджайнасць па ўсіх сельгаспрадпрыемствах дасягнула 8 цэнтнераў з гектара.

Рапс застаўся на палях ААТ “Авангард-Ніва” і філіяла “Белшына-агра” ААТ “Белшына”: 40 га і больш за 100 га адпаведна. ААТ “Жорнаўка-АГРА” з рапсам ужо справілася. Усяго па раёне было засеяна 1 050 гектараў, ужо ўбрана 848 га, з іх намалочана 1 357 тон. Сярэдняя ўраджайнасць — 16 цэнтнераў з гектара.

Пачалося жніво зерневых і зернебабовых, агульная плошча пад імі складае 8 078 гектараў. З іх азімая пшаніца займае 887 га, азімае трыцікале — 1 891 га, азімае жыта — 3 944, яравая пшаніца — 13, ячмень — 536, авёс — 97, зернебабовыя — 500, грэчка — 210 га. “Авангард-Ніва” і “Белшына-агра” ўжо зжалі 108 га трыцікале і намалацілі ў бункернай вазе 308 тон. Учора да ўборкі падключыліся “ЖорнаўкаАГРА” і “Бярэзіна-Агра-Люкс”. Таксама працягваецца праца па корманарыхтоўцы і ўборцы насеннікаў траў.

Алена Суета.

e.sueta@gzt-akray.by