Шырокім
быў спектр пытанняў сельгаснарады, якая прайшла ў мінулую пятніцу. Інакш не
атрымліваецца: у аграпрамысловым комплексе заўсёды адно цесна звязана з другім.
Напрыклад, нядаўняе ўвядзенне ў строй новай лініі сыроў на мясцовым малочным
камбінаце патрабуе ад пастаўшчыкоў малака ў чарговы раз задумацца аб яго
якасці. Старшыня райвыканкама Пётр Шукаловіч не толькі прааналізаваў вынікі
работы ў жывёлагадоўлі за студзень-жнівень, але і паставіў задачы на бліжэйшую
перспектыву: уборка саломы — асабліва шмат яе на палях “Каўгарскага”,
“Карытнага”, “Калгаса імя Чарняхоўскага”— павінна быць завершана літаральна ў бліжэйшыя
дні: да 20 верасня трэба пасеяць азімыя; неабходна рэгулярна ўносіць арганічныя
ўгнаенні. Калі гэтая справа робіцца з восені, эфект значна лепшы, чым вясною.

Выязная
частка праходзіла на базе СВК “Калгас імя Чарняхоўскага”. Малочнатаварная ферма
ў Канцах пакінула станоўчае ўражанне: памяшканне вычышчана і пабелена, у
наяўнасці добрае малочнае абсталяванне, халадзільнік, належным чынам вядзецца
дакументацыя, ёсць пакойчык для адпачынку. Засталося толькі вымыць пасля
пабелкі вокны — і аб’ект можна лічыць цалкам падрыхтаваным да зімы. На гэтай
ферме, дарэчы, арганізаваны сямейны падрад, і такая форма работы, як паказвае
практыка, найбольш эфектыўная.

Што
засмуціла? Нядаўна зжатае поле каля фермы паказала, што тут была не толькі
кукуруза, але і вялікая колькасць пустазелля. Кіраўніцтву калгаса трэба
падумаць аб змяненнях севазвароту: “царыца палёў” тут расце ўжо некалькі
сезонаў запар.

У
Дрычыне наведалі пляцоўку будаўніцтва новай фермы. Заўвагі ў асноўным тычыліся
ўтрымання прылягаючай да новабуда тэрыторыі.

Жывёлагадоўля
— галіна, для якой у раёне заўсёды характэрна неадна-значнасць: не абыходзіцца
аднымі толькі плюсамі. Так, нядаўна праведзеная Мінсельгасхарчам праверка
некаторых гаспадарак паказала, што ў “Карытным” 80% сенажу адно-сіцца да 2
класа, жывёла брудная, памяшканні не падрыхтаваныя да зі-моўкі; у
“Асіповічыагра-прамтэхзабеспячэнні” каторы месяц ужо “кульгае на абедзве нагі”
вытворчасць малака і г.д. Гэтыя праблемы не новыя, яны пастаянна знаходзяцца ў
полі зроку райсельгасхарчу.

 Як ідуць “мяса-малочныя” справы ў
сельгас-прадпрыемствах раёна? За студзень-жнівень вытворчасць малака склала
104,4%, яго рэалізацыя — 108,4. Ад кожнай каровы атрымана 3426 кілаграмаў
малака — на 145 больш, чым летась. Калі вытворчасць мяса буйной рагатай жывёлы
адпавядае 116,2%, то датычна свіней паказчыкі адваротныя: зніжаецца не толькі
іх колькасць, але і сярэднясутачныя прывагі.

У
апошнім месяцы лета гаспадаркі спрацавалі так. Самай высокай “малочная планка”
была ў “Лапічах” — 115%, “Бярэзіне” — 108,7 і “Авангардзе” — 106. Самыя нізкія
паказчыкі па вы-творчасці малака ў “Асіповічыаграпрамтэхзабеспячэнні” — 79,8%,
“Карытным” — 86 і “Каўгарскім” — 91,7. Больш за іншых у жніўні надаілі ад
каровы ў “Новым шляху” — 538 кг, філіяле “Белшына-агра” ААТ “Белшына” — 500 і “Авангардзе”
— 427. Няма чым хваліцца “Каўгарскаму” (295), “Калгасу імя Чарняхоўскага”
(312) і “Ясеню” (313).

На
пленарным пасяджэнні галоўны ветурач раёна Ганна Алёхна яшчэ раз нагадала
тэхналогію закладкі сіласу, старшыня райкама прафсаюза Святлана Сідарэнка
паведаміла аб аглядзе-конкурсе на лепшую работу па стварэнні ўмоў працы і
вы-творчага быту на машынных дварах і малочнатаварных фермах. Начальнік
райсельгасхарчу Міхаіл Поклад засяродзіў увагу на своечасовай выплаце
зарплаты, планамерным ходзе палявых работ. Даў ён і нерадавое заданне: разам з
работнікамі клубаў і сельсаветаў устанавіць на палетках абапал дарог тэматычныя
саламяныя кампазіцыі — на Магілёўшчыну ідуць рэспубліканскія “Дажынкі”!

Валянціна
КОРБАЛЬ.