Дарагія землякі!

У “АК” для вас добрая навіна: заўтра ва ўсіх аддзяленнях сувязі Асіповіччыны адбудзецца дзень падпісчыка. А гэта значыць, тыя чытачы, хто аформіць абанемент на “раёнку” на ліпень-верасень у гэтае чысло, стануць удзельнікамі традыцыйнага розыгрышу купонаў на бясплатнае віншаванне альбо аб’яву ў “Асіповіцкім краі” ў ІІ паўгоддзі.

У некаторых з пераможцаў, а іх будзе чатыры дзясяткі, пабываюць журналісты “раёнкі”, каб уручыць заахвочванне асабіста, а потым і расказаць пра сваіх чытачоў на старонках выдання.

Заставайцеся з намі!

“Раёнка” — газета для ўсіх

Стан вуліц і дарог — адна з тэм, да якой нельга адносіцца абыякава. “Асіповіцкі край” пастаянна трымае гэты напрамак пад увагай, аб’ектыўна адзначаючы і недахопы, і дасягненні.

Дзеля справядлівасці адзначым: сёлета вулічна-дарожныя справы ідуць на выдатна! Даведвацца аб чарговых зменах да лепшага прыемна, асабліва калі сам маеш да гэтага прамыя адносіны.

Работнікі дарожных прадпрыемстваў! Чытайце “Асіповіцкі край”: тут пра вас часта пішуць — будзе цікава!