Самымі першымі білеты членаў
БРСМ у Асіповічах атрымалі тагачасныя кіраўнікі Ларыса Волкава і Наталля Марціновіч, вучні СШ № 3 Аляксандр Рачыцкі, Дзяніс
Варабей і Наталля Гарабец.

Самыя шматлікія “пярвічкі” БРСМ
дзейнічаюць у Асіповіцкім дзяржаўным прафесійна-тэхнічным
каледжы (404 чалавекі),
гімназіі (177), АЗАА (75). Яны ж і самыя актыўныя. Напрыклад, на раённай спартакіядзе, якая праходзіла 10-11 жніўня, ад завода аўтаагрэгатаў
удзельнічала 4 каманды!

Самы доўгі час узначальвае “пярвічку” БРСМ Павел
Рудзянок (Асіповіцкі РЭС) — з 2007 года.

Самае папулярнае традыцыйнае мерапрыемства БРСМ —
спартакіяда актыву; самае патрыятычнае — акцыя “Спяём гімн разам”; самыя
неардынарныя — флэшмобы, мотапікнікі; самыя добрыя — “Цуды на
Каляды”, “5 бульбін”.

Самае “сямейнае” мерапрыемства — “Уладар вёскі”. Дарэчы, праект прыжыўся далёка не ва ўсіх раёнах. Надае аптымізму факт, што на Асіповіччыне ёсць шмат сельскай моладзі і
добрых вясковых сем’яў. Самыя выніковыя выступленні на гэтым
спаборніцтве паказваюць удзельнікі з Дараганаўскага сельсавета: тры гады запар “уладары вёскі” менавіта з населеных пунктаў
Дараганаўшчыны.