Хроника происшествий. Осиповичи
Супрацоўнікамі АДАІ РАУС на мінулым тыдні зарэгістравана 5 ДТЗ; папярэджана 84 правапарушэнні, за невыкананне ПДР пакараны веласіпедыст, 3 нецвярозыя вадзіцелі, 7 “бяспраўнікаў”, у тым ліку адзін — паўторна на працягу года, 4 аўтааматары, якія не прытрымліваліся патрабаванняў правілаў перавозкі дзяцей.
Увага! З 10 па 20 чэрвеня праводзіцца комплекс прафілактычных мерапрыемстваў “Беражыце дзяцей!”, накіраваны на папярэджанне ДТЗ з удзелам непаўналетніх.
Аддзелам Дэпартамента аховы да адказнасці прыцягнуты парушальнік правілаў дарожнага руху, 2 асобы, што здзейснілі дробнае хуліганства, 1 — іншае правапарушэнне.
Па даных РАНС, 2 і 6 чысла адпаведна ад пажару пацярпелі лазні ў Пратасевічах і на тэрыторыі фермерскай гаспадаркі ў в. Пабокавічы.
ІАЖіРС складзены 4 адміністрацыйныя пратаколы па фактах парушэння правілаў рыбалоўства, 2 — за захаванне забароненых прылад лоўлі.
