“Раёнка” — газета для ўсіх

Калі робіш сваю справу, яе варта рабіць добра. Наўрад ці каго з асіпаўчан сёння трэба пераконваць у слушнасці гэтых слоў. А калі ёсць жаданне павышаць уласнае майстэрства, то не пашкодзіць даведацца аб тых, хто ў сваёй прафесіі стаў сапраўдным асам. Хаця б таму, каб з’явілася нагода задаць сабе пытанне-матыватар: “Калега — класны спец, але ж я чым горшы?”

Быць “у тэме” дапаможа мясцовая газета, на старонках якой шмат увагі ўдзяляецца расповедам аб людзях працы, якіх, магчыма, ведаеш ці жывеш па суседстве.

Калі ж падчас рабочага дня выпадае зацішная хвіліна, яе таксама можна правесці з “Асіповіцкім краем”. Кожны нумар выдання складаецца ў сярэднім з  20-22 матэрыялаў разнастайнага зместу, і любы знойдзе для сябе штосьці цікавае.

Работнікі прадпрыемстваў, выпісвайце“раёнку”: не пашкадуеце!