О работе механизатора рассказывает Виктор Кадчик

Віктар Кадчык працуе механізатарам у ААТ “Бярэзіна-Агра-Люкс”. Падчас наведвання журналістамі “раёнкі” гаспадаркі ён быў заняты на сяўбе кукурузы. І справа ў яго ішла спорна.

— Шчырую на палетках не першы год, — гаворыць ён. — Добра ведаю кожны, бо дзясяткі разоў па іх праехаў то з сеялкай, то з касілкай, то на камбайне. Плошча, адведзеная пад сяўбу кукурузы, — самая вялікая: пад 600 гектараў. Ніводная культура не займае гэткіх тэрыторый. І папулярнасць расліны невыпадковая, бо яна — самы ўніверсальны корм для жывёлы. Спадзяюся на добры ўраджай.

Наогул, па словах галоўнага агранома Сяргея Вараненкі, пасяўны клін у акцыянерным таварыстве складае прыкладна 1 000 гектараў, дзе пшаніцы пасеяна 150 га, жыта — крыху больш за 180 га.