На улицах города Осиповичи работа кипит
Для ДЭУ № 73 актыўная кампанія па добраўпарадкаванні Асіповічаў стала добрым падспор’ем
Усе дарогі, якія даглядае дарожна-эксплуатацыйнае ўпраўленне, зараз знаходзяцца ў нядрэнным стане і не патрабуюць значных фінансавых укладанняў. Гэта выдатна, але ўзнікае праблема: “зацішша” на асноўным кірунку дзейнасці вымушае пастаянна шукаць падрадныя работы. Найбольш выгадна, калі для іх выканання не трэба далёка перакідваць тэхніку.
Эканомія на транспартных і камандзіровачных расходах дазваляе прапаноўваць свае паслугі па найбольш прымальных для заказчыка цэнах. Тут, праўда, ёсць нюанс: у прыярытэце ўзгаданай кампаніі хуткасць, таму адначасова з ДЭУ рамантуюць гарадскія вуліцы і іншыя профільныя арганізацыі. Але нашы дарожнікі канкурэнцыі не баяцца, бо ўмеюць працаваць аператыўна і якасна.
Ацаніць вынікі іх намаганняў ужо можна на праездах паміж вуліцамі Паркавай і Сташкевіча, Р.Кунько і Сумчанкі, на вуліцах 60 гадоў Кастрычніка, Ленінскай, Каданчыка, Каралёва і іншых.
