Райаддзелам міліцыі надаецца шмат увагі ўзаемадзеянню з насельніцтвам. На чарговай сустрэчы ў мясцовым каледжы справаздачу перад жыхарамі Каралёўскага адміністрацыйнага ўчастка трымаў участковы інспектар Уладзіслаў Сідараў. Старшы лейтэнант міліцыі расказаў аб аператыўнай абстаноўцы на абслугоўваемай ім тэрыторыі і прафілактычных мерах, якія прымаюцца РАУС для яе стабілізацыі, нагадаў прысутным аб правілах бяспечных паводзін у інтэрнэце. З навучэнцамі прафілактычную гутарку аб недапушчальнасці здзяйснення хуліганскіх учынкаў і прававых наступствах антыграмадскіх паводзін правялі начальнік РАУС Віктар Архіпенка і яго намеснік па ідэалагічнай рабоце і кадравым забеспячэнні Андрэй Бабіч, якія ў завяршэнне сустрэчы падзякавалі намесніку дырэктара АДПТК па вучэбна-выхаваўчай рабоце Таццяне Сцёпінай за цеснае супрацоўніцтва з органамі ўнутраных спраў і ўручылі ёй дыплом і каштоўны падарунак.