Зелянкоў Мікалай Данілавіч

Нарадзіўся 3.05.1927 года ў вёсцы Баянава
Глускага раёна. Закончыў Беларускую сельскагаспадарчую акадэмію ў 1961 г.
Удзельнік Вялікай Айчыннай вайны. У 1951-1952 гг. працаваў загадчыкам Глускага
раённага дзяржархіва. З 1952 г. на партыйнай рабоце: загадчык сектара, аддзела,
2-гі сакратар Глускага, Магі-лёўскага, у 1965-1966 гг. — Асіповіцкага райкамаў
КПБ. У 1966-1970 гг. — старшыня Асіповіцкага райвыканкама. У 1970-1977 гг. —
1-ы сакратар Чавускага райкама КПБ. З 1978 г. па 1988 г. — дырэктар вылічальнага
цэнтра Магілёўскага абласнога статыстычнага ўпраўлення, намеснік старшыні
абласнога камітэта народнага кантролю, дырэктар выдавецтва Магілёўскага
абласнога Савета. Узнагароджаны ордэнамі Працоўнага Чырвонага Сцяга, “Знак
Пашаны”, Айчыннай вайны 2 ступені, медалямі, дзвюма Ганаровымі граматамі
Вярхоўнага Савета БССР. Жыве ў Глуску.

НалIвайка Васіль Фёдаравіч

Нарадзіўся 8.05.1947 года ў вёсцы Смык
Асіповіцкага раёна. Скончыў у 1992 годзе Мінскі інстытут культуры. З 1967 па
1970 гг. вучыўся ў Магілёўскім полі-тэхнічным тэхнікуме на спецыяльнасці
“Абсталяванне кінатэатра”. Потым працаваў у Клічаве на пасадзе тэхнічнага
кіраўніка раённага галоўнага кінатэатра. У 1971 годзе быў пераведзены ў
Асіповічы, дзе ў хуткім часе ўзначаліў раённую сетку. У 1972 г. — тэхнічны
кіраўнік Асіповіцкага кінатэатра. З 1972 па 1974 гг. служыў у Савецкай Арміі.
1980-1982 гг. — электраслесар Асіповіцкай кінасеткі раёна. 1982-1988 гг. —
дырэктар Асіповіцкай раённай кінасеткі. 1988-2002 гг. — загадчык аддзела
культуры Асіповіцкага райвыканкама. У 2002-2007гг. — начальнік аддзела культуры
Асіповіцкага райвыканкама. Памёр у чэрвені 2007 года.

Узнагароджаны Ганаровай граматай Савета
Міністраў культуры РБ, Ганаровым знакам Міністэрства культуры РБ “За значны
асабісты ўклад у развіццё беларускай культуры”, Ганаровай граматай Міністэрства
культуры РБ, Ганаровай граматай Нацыянальнага сходу РБ.

УшакевIч Аляксандр Ануфрыевіч

Нарадзіўся 15.05.1902 года. У 1921 г. скончыў
Мінскую фельчарскую школу, у 1930 г. — Мінскі дзяржаўны медыцынскі інстытут.
Удзельнік Вялікай Айчыннай вайны. У 1941-1943 гг. ваяваў на Заходнім фронце, у
студзені-маі 1944 г. на 3-м Беларускім фронце. Працаваў галоўным урачом
Асіповіцкай райбальніцы з 1946 па 1966 гг.

За баявыя заслугі ўзнагароджаны медалём “За
перамогу над Германіяй у Вялікай Айчыннай вайне 1941-1945 гг.”, за шматгадовую
працу і высокі прафесіяналізм — ордэнам “Знак Пашаны”. Прысвоена званне
“Заслужаны ўрач БССР”. Памёр 24 кастрычніка 1970 года.