Намеснік начальніка вагоннага дэпо па
эксплуатацыі Дзмітрый Мятла вынікамі першага квартала года задаволены: калектыў
спрацаваў ня-дрэнна. Дэпо сёння з’яўляецца эксплуатацыйным, а значыць галоўная
задача — утрыманне парка грузавых і пасажырскіх вагонаў Беларускай чыгункі ў
тэхнічна спраўным стане. I да гонару нашых вагоннікаў, патрэбы ў планавых відах
рамонту забяспечваюцца цалкам.

Працаўнікі пунктаў тэхагляду вагонаў Асіповічы,
Бабруйск, Слуцк і Калій-3 агледзелі 409.140 вагонаў — 102,8% да плана. Перад
9.528 вагонамі запалена “чырвонае святло” — знойдзены непаладкі, якія пагражалі
бяспецы руху і не давалі магчымасці захаваць перавозімы груз. Натуральна, усе
яны патрапілі ў цэх бягучага адчэпачнага рамонту і прайшлі “лячэбны курс”,
асноўны “дыягназ” якога — няспраўнасці хадавой часці, тармазнога абсталявання і
механізмаў, дэталяў па-грузачна-выгрузачных устройстваў. Прычыны “хваробы”
розныя, у тым ліку, як сведчыць спецыяліст, недасканаласць канструкцыі апошніх,
з-за чаго штогод на ПТА станцыі Слуцк робіцца рамонт больш за 2,5 тысячы
вагонаў-мінералавозаў перад падачай іх пад пагрузку.

Любую справу робяць людзі, а яны тут
пада-браліся адказныя, кожны перажывае за справу, працуе з агеньчыкам. Таму
кіраўнік з задавальненнем і называе прозвішчы многіх зваршчыкаў, слесараў і
брыгадзіраў — Уладзіміра Трыбуця і Дзяніса Кнігі з ПТА Асіповічы, Мікалая Цмыгі
і Алега Дзінгаліева з ПТА Бабруйск, Валерыя Кунцэвіча, Сяргея Самусевіча і
Пятра Кавальчука з ПТА Слуцк, Мікалая Крыжа, Віктара Дрызгаловіча і Міхаіла
Жука з ПТА Калій-3 і многіх другіх.

Георгій АЛЕЙНIКАЎ.