Клопатаў у вясновыя дзянькі шмат ва ўсіх,
асабліва іх многа ў людзей, якія працуюць на зямлі. Аб тым, як асіповіцкія
аграрыі спраўляюцца з пасяўной, расказвае першы намеснік начальніка
райсельгасхарчу па раслінаводстве Ганна Яцко:

— Ход работ залежыць не толькі ад планаў
сельгас-прадпрыемстваў, але і ад тых карэктыў, якія ўносіць на- двор’е. А яны
сёлета значныя. З-за таго, што на тэрыторыі раёна працякаюць буйныя і дробныя
рэчкі, ёсць нямала балоцістых месцаў. Дажджы, якія ішлі апошнім часам, сыгралі
не самую лепшую ролю — на многія палі тэхніка не магла як мае быць выйсці,
некаторыя палеткі давялося падсушваць з дапамогай культыватараў. Аднак,
нягледзячы на ўсе перашкоды, раён ужо засеяў каля 80% ранніх яравых зерневых і
зернебабовых.

Першымі справіліся “чарняхоўцы” — тут ужо
адсеяліся на 100%, чаму паспрыяла добрая арганізацыя работы. Больш за 90%
засеялі ў “Асі-повічыаграпрамтэхзабеспячэнні” і “Новым шляху”, блізкія да
гэтага лічбы маюць “Авангард” і “Каўгарскі”. Больш нізкія тэмпы ў “Ясеня” —
каля 30%, “Чырвонага ўдарніка” і філіяла “Белшына-агра” — каля 60%.

Набірае ход сяўба цукровых буракоў — пасаджана
360 гектараў. Тут першынство належыць “Белшыне-агра” — у іх “заліку” 190 га. У
“Асіповічыаграпрамтэхзабеспячэнні” ўжо ўзяліся за кукурузу.

— На якія аспекты гаспадаркам трэба звярнуць
увагу ў гэты важны час?

— Своечасова паклапаціц-ца аб пашах. Яшчэ не
позна іх ушчыльніць, прычым згодна з існуючымі тэхналогіямі, а таксама стварыць
новыя. Павінна весціся закладка насеннікаў шматгадовых траў з далейшым іх
тэхналагічным до-глядам. Каб вырашыць бялковую праблему ў жывёлагадоўлі, трэба
да канца мая пасеяць галегу ўсходнюю. Поле варта рыхтаваць ужо зараз, каб потым
на ім не было ні-якага пустазелля. У раёне ёсць у наяўнасці насенне, каб
засеяць 300 гектараў гэтай культурай. Своечасова прайшла і вучоба з кіраўнікамі
і аграномамі гаспадарак, якую правяла прафесар сельскагаспадарчых навук Вера
Бушуева з Беларускай дзяржаўнай сельскагаспадарчай акадэміі.

— Што яшчэ спрыяе якаснаму ходу веснавой сяўбы?

— Зацікаўленасць лю-дзей у добрых выніках. Сваю
станоўчую лепту ў агульную працу ўносіць прафсаюз. Згодна з калектыўнымі
дагаворамі, у многіх гаспадарках плата за харчаванне механізатараў складае
толькі 5-10%, астатняе — за кошт сельгаспрадпрыемства. Працаўнікі забяспечаны
спец- адзеннем. Неблагім стымулам з’яўляецца і штогадовае спаборніцтва. Кожную
раніцу ў гаспадарках у гонар лепшых сейбітаў падымаюцца сцягі.

— Які прагноз на ўраджай-2012 можа даць галоўны
аграном раёна?

— Пра яравыя гаварыць рана, а вось азімыя сёлета
радуюць: даўно ўжо не было такога, каб рунь так добра выйшла з халадоў, як гэта
адбылося цяперашняй вясною. Ды і не за гарамі той час, калі ў поле замест
сеялак выйдуць камбайны. Пакуль жа не проста пачакаем, а зробім усё магчымае,
каб кожнае кінутае ў раллю зярнятка адгукнулася важкім коласам.

Гутарыла Валянціна КОРБАЛЬ.