На чарговым пасяджэнні райвыканкама, якое
прайшло 18 красавіка з удзелам начальніка фінансавага ўпраўлення Магілёўскага
аблвыканкама Уладзіміра Падрабінкіна, галоўная ўвага была нададзена двум
пытанням — вынікам работы галін народнай гаспадаркі і выкананню бюджэту раёна ў
студзені-сакавіку.

Бясспрэчны факт, што дзейнасць упраўленняў і
аддзелаў райвыканкама была накіравана на выкананне прагнозу
сацыяльна-эканамічнага развіцця і павышэнне эфектыўнасці работы нашага народнагаспадарчага
комплексу. I па шэрагу пазіцый крок наперад відавочны. Напрыклад,
рэнтабельнасць продажаў у арганізацыях сельскай гаспадаркі за студзень-люты
склала 17,2 пры гадавым заданні 3%. Тэмп росту аб’ёму рознічнага тавараабароту
за квартал склаў 111,6 пры заданні 107%. Уведзена ў эксплуатацыю 14,4 тыс.
квадратных метраў жылля — 42,7% ад запланаванага на год. Забяспечана выкананне
прагнозных тэмпаў росту экспарту тавараў. Выканана зацверджанае заданне па
росту зарплаты. Рэнтабельнасць продажаў па раёне вырасла з 2,4 да 4,4%. За
студзень-сакавік у эканоміцы раёна створана 6 камерцыйных аргані-зацый і 151
рабочае месца пры гадавым заданні адпаведна 35 і 670. Менш мяркуемага ўзровень
беспрацоўя. Забяспечваецца выкананне ўсіх 43 нарматываў дзяржаўных сацыяльных
стандартаў па абслугоўванню насельніцтва і г.д.

Што тычыцца выканання бюджэту, то ён па даходах
выкананы на 123,1%, прычым уласныя даходы склалі 65,1% аб’ёму паступіўшых.
Забяспечана перавыкананне плана па ўсіх даходных крыніцах раённага бюджэту,
бюджэту сельскіх і пасялковых Саветаў. На фінансаванне галін мясцовай
гаспадаркі за квартал накіравана 14.335 млн. руб. — 21,6% аб’ёму расходаў
бюджэту, на развіццё жыллёва-камунальнай гаспадаркі пайшло 12.755,5 (20,6%
гадавога ўдакладненага плана), на галіны сацыяльнай сферы — 49.568,2 мільёна
(74,4%). Запазычанасці па падатковых плацяжах у бюджэт і мэтавыя бюджэтныя
фонды па стане на 1 красавіка няма.

Але разам з плюсамі ў наяўнасці і шэраг мінусаў.
Напрыклад, тэмп рос-ту аб’ёмаў вытворчасці сельгаспрадукцыі склаў 102,6% пры
гадавым заданні 105,2%. Паменшыла аб’ём вытворчасці ААТ
“Асіповічыаграпрамтэхзабеспячэнне”, не выканалі заданні па тэмпу росту
прадукцыі калгасы “Ясень”, “Чырвоны ўдарнік”, імя Чарняхоў-скага, “Каўгарскі”,
“Лапі-чы”, філіял “Белшына-агра” ААТ “Белшына”. У дзвюх апошніх гаспадарках
паменшана і вытворчасць мяса свіней. Не выканана квартальнае заданне па закупу
маладняку буйной рагатай жывёлы ў насельніцтва.

Па пэўных пазіцыях адставанне і ў іншых
галі-нах. У прыватнасці, дапусцілі зніжэнне па рознічнаму тавараабароту ААТ
“Гандаль” і райста. Паказчык па энергазберажэнні склаў мінус 1,3% пры гадавым
заданні мінус 5,5. Не забяспечана выкананне прагнозных тэмпаў росту экспарту
па-слуг. У наяўнасці больш зацверджанага нарматыў суадносін запасаў гатовай
прадукцыі да сярэднямесячнага аб’ёму яе вытворчасці. Чыстыя страты па раёне —
5,7 млрд. руб. 13,6% арганізацый — СААТ “Дах”, ААТ “Асіповіцкі малочны
камбінат”, СЗАТ “Асіповіцкі вагонабудаўнічы завод”, ДУКВП “Райсэрвіс”, УКДВП
“Асіповічырамбуд”, КБМУП “Прамаграбуд” — атрымалі страты ў суме 16.180 млн.
руб. Тры з чатырнаццаці арганізацый — СВК “Калгас “Каўгарскі”, ААТ “Гандаль” і
КБМУП “Прамаграбуд” — не выканалі даведзенае райвыканкамам заданне па эканоміі
рэсурсаў і г.д.

З тлумачэннем прычын недапрацовак і канкрэтнымі
крокамі па аператыўнаму выпраўленню адставання за трыбуну быў запрошаны не
адзін з кіраўнікоў. I вызначаныя талакою меры па нармалізацыі становішча на
“вузкіх” месцах і знайшлі адлюстраванне ў прынятым райвыканкамам рашэнні.