Прыемную навіну для РДУВП “Асіповіцкі
хлебазавод” прынеслі падведзеныя вынікі штогадовага агляду-конкурсу на лепшую
арганізацыю Магілёўскай вобласці па ахове працы і прафілактыцы вытворчага
траўматызму за 2011 год: адзначана станоўчая работа прадпрыемства ў гэтым
кірунку.

Як расказала інжынер па ахове працы Людміла
Падцярэба, добрым вынікам спрыяе комплексны падыход да праблемы і абавязковае
выкананне на працягу шэрагу гадоў запланаваных мерапрыемстваў па стварэнні
бяспечных умоў работы, якія, дарэчы, з’яўляюцца дадаткам да калектыўнага дагавора.

Што было канкрэтна зроблена ў мінулым годзе, каб
людзям на прадпрыемстве працавалася больш камфортна? Заменены шэраг аконных
праёмаў, выкананы частковы рамонт даху, уведзены ў дзеянне новыя хлебапякарная
печ і 3 адзінкі абсталявання на булачнай лініі, набыты 3 аўтамашыны,
устаноўлены 4 новыя сістэмныя блокі і маніторы, усе працаўнікі цалкам
забяспечаны спецадзеннем, адноўлены тэматычныя стэнды па ахове працы і многае
іншае.