З ліпеня, калі Кіраўнік нашай дзяржавы наведаў
СЗАТ “Асіповіцкі вагонабудаўнічы завод”, прайшло не надта шмат часу,
а ў пятніцу ў рамках рабочай паездкі ў Магілёўскую вобласць Аляксандр Лукашэнка
зноў быў у горадзе — знаёміўся з развіццём інавацыйных вытворчасцей пры
наведванні ЗАТ “Алцімед” і парфумерна-касметычнай фабрыкі
“Сонца”. Хаця спектр пытанняў, якія цікавілі Прэзідэнта, выглядаў
значна шырэй — экспарт, імпартазамяшчэнне, рэалізацыя Дзяржаўнай комплекснай
праграмы развіцця рэгіёнаў, малых і сярэдніх гарадскіх паселішчаў і г.д.

Спачатку Аляксандр   Рыгоравіч выслухаў даклады аб сацыяльна-эканамічным развіцці
Магілёўшчыны і раёна і выкананні даручэнняў, дадзеных падчас леташняга
знаходжання ў Асіпові-чах. Тады ён даручыў сумесна з ЗАТ
“ГрандЭкспрэс” прыняць неабходныя меры па будаўніцтве да 31 снежня
2011 года вытворчага корпуса па выпуску мадэляў грузавых вагонаў магутнасцю
2.500 адзінак у год, не выпускаемых СЗАТ “Магілёўскі вагонабудаўнічы
завод”, і танк-кантэйнераў магутнасцю 
2 тыс. штук у год. Планавалася, што СЗАТ “АВЗ” павінна была
вывесці новая вытворчасць на поўную праектную магутнасць да 31 снежня.

Цяпер ужо практычна завершаны першы этап —
будаўніцтва вытворчага корпуса. На працягу года туды павінна быць завезена і
зманціравана неабходнае абсталяванне. З больш за $130 млн. інвестыцый,
прадугледжаных інвестдамовай паміж Беларуссю і ЗАТ “ГрандЭкспрэс”, на
сёння ўжо засвоена каля $117 млн.

Старшыня Камітэта дзяржкантролю Аляксандр
Якабсон і віцэ-прэм’ер Анатоль Калінін выказалі занепакоенасць з нагоды тэмпаў
рэалізацыі другога этапу інвестпраекта ў сувязі з тым, што пастаўка і мантаж
абсталявання адстаюць ад графіка. Тым не менш была выказана ўпэўненасць, што
праект будзе рэалізаваны ў поўным аб’ёме.

Прэзідэнт запатрабаваў рэалізаваць яго ў раней
вы-значаныя тэрміны: “Тыя рашэнні, якія прыняты, па-вінны быць выкананы
бездакорна. Iнвестара трэба напружваць. Яму трэба да-кладна сказаць, што будзе,
калі ён не выканае ў тэрмін абяцанне. У астатнім трэба яго падтрымліваць,
дапамагаць. Ён не чужы тут”.

На ЗАТ “Алцімед” Кіраўнік дзяржавы
даручыў стварыць спрыяльныя ўмовы для далейшага развіцця вытворчасці сіс-тэм
эндапратэзавання. Дырэктар Анатоль Доста расказаў, як прадпрыемства плануе
пашыраць наменклатуру прадукцыі і развіваць вытворчыя магутнасці. Арганізацыяй
вядуцца навуковыя распрацоўкі прынцыпова новых вырабаў, якія ўжываюцца ў
траўматалогіі, артапедыі і хірургіі, такіх як каленны сустаў, міжпазванковы
дыск, зубныя імплантаты, сасудзістыя пратэзы, каранарныя стэнты.

Вырабляемая і плануемая да выпуску прадукцыя
“алцімедаўцаў” з’яўляецца імпартазамяшчальнай і запатрабавана як на ўнутраным
рынку краіны, так і за мяжою. У Беларусі ў 80% выпадкаў праводзяцца аперацыі з
выкарыстаннем менавіта асіповіцкіх эндапратэзаў. Пры гэтым айчынныя абыходзяцца
ў 2-3 разы танней замежных аналагаў. “Пры нашым узроўні сабекошту можам
канкурыраваць з любым прадпрыемствам. Улічваючы кошт энергарэсурсаў, рабочай сілы…
Мы маем перавагі, і гэтым трэба карыстацца”, — лічыць Прэзідэнт.

Рэкамендацыя дадзена пры наведванні пэўнага
прадпрыемства, але па-сапраўднаму актуальная для любога беларускага вытворцы.
I, адабраючы планы па далейшым развіцці і пашырэнні вытворчасці ЗАТ “Алцімед”,
адрасаваў словы непасрэдна Міністру аховы здароўя Васілю Жарко і старшыні
Магілёўскага абл-выканкама Пятру Рудніку: “Трэба ў гэтым плане дапамагчы,
каб цяганіны не было. Раз ёсць рынак, яго трэба займаць цяпер і трымаць”.

Развіццё сеткі продажаў, стварэнне міжнародных
гандлёва-складскіх і дэманстрацыйных цэнтраў у Расіі, Еўропе, Паўднёва-Усходняй
Азіі, Паўднёвай Амерыцы дазволіць аператыўна рэагаваць на патрэбы спажыўцоў і
замацаваць міжнародны імідж брэнда прадукцыі ЗАТ “Алцімед”. Стратэгія
развіцця бізнесу — заваёва за 5-8 гадоў 14% сусветнага рынку тазабедранага
эндапратэзавання і 30% — стаматалагічных імплантатаў.

Калі Прэзідэнт знаёміўся з дзейнасцю замежнага
прыватнага вытворчага ўнітарнага прадпрыемства “Парфумерна-касметычная
фабрыка “Сонца” і тэхналагічным цыклам вытворчасці сінтэтычных мыйных
сродкаў і тавараў бытавой хіміі, ён заклікаў прыватны бізнес да большай
ініцыятывы ў развіцці новых вытворчасцей.

Як вядома, гэта фабрыка створана ў студзені 2010
года. Яе ўладальнік — ін-вестыцыйная кампанія Lebortovo Capital Partners
Limited, заснавальнікамі якой з’яўляецца група беларускіх і замежных
інвестараў. Прадукцыя “Сонца” ўжо заваявала вядомасць на ўнутраным
рынку краіны — пральныя парашкі пад брэндамі “Мара”,
“April”, “Чайка”. У развіццё вытворчасці ўкладзена больш
$30 млн. Гэта адзін з буйнейшых інвестпраектаў краіны, рэалізаваны ў апошнія
два гады. Яго мэта — арганізацыя сучаснай імпартазамяшчальнай вытворчасці
сінтэтычных мыйных сродкаў з аб’ёмам выпуску да 50 тыс. тон у год сухіх і 24
тыс. тон вадкіх мыйных сродкаў. Гэта дазволіць замясціць каля 75% падобнай
прадукцыі, імпартуемай у краіну.

Для рэалізацыі праекта ва ўласнасць фундатару
бязвыплатна перадалі незавершаны будаўніцтвам будынак, які не эксплуатаваўся
больш 15 гадоў. У чэрвені 2011 года была запушчана першая чарга і пачата
вы-творчасць пральных па-рашкоў “Мара”, са снежня мінулага
выпускаюцца вадкія мыйныя сродкі і тавары бытавой хіміі, у тым ліку сродкі для
мыцця посуду. Як расказаў старшыня наглядальнага савета фабрыкі Сяргей Левін,
ін-вестпраграму ўдалося выканаць датэрмінова. Летась прадпрыемства выпусціла
больш 6 тыс. тон сінтэтычных мыйных сродкаў, у студзені-лютым бягучага — 1,5
тысячы. За кошт павелічэння вытворчасці расце і доля продажаў айчыннай
прадукцыі. Калі летась на долю беларускіх вытворцаў даводзілася 48,6% продажаў
сінтэтычных мыйных сродкаў, то за два месяцы цяперашняга — ужо 52,4%.

У планах — павелічэнне аб’ёмаў вытворчасці і
рэалізацыі, у тым ліку за кошт пашырэння асартыменту вырабляемай прадукцыі, у
першую чаргу — вадкіх мыйных сродкаў. Так, у 2012 годзе плануецца наладзіць іх
выпуск для мыцця, шырокай лінейкі тавараў асабістай гігіены: шампуняў, кандыцыянераў,
пены для ваннаў.

Кампанія пачынае асвойваць і вонкавыя рынкі.
Першымі пакупнікамі ў  кастрычніку 2011
года сталі ўкраінцы, са студзеня бягучага прадукцыя паступае ў Расію, з лютага
— у Казахстан і краіны Балтыі. Прадпрыемства плануе заняць значную долю
ўнутранага рынку і паступова нарошчваць аб’ёмы экспартных паставак.

Дарэчы, гэта ўжо трэці паспяховы праект
інвестара — раней на беларускі рынак былі выведзены піва “Баброў” і
сок “Сочны”. У цэлым інвестыцыі ў рэальны сектар эканомікі
Магілёўшчыны перавысілі $100 млн., і, як распавёў бізнесмен, у планах пачатак
рэалізацыі і іншых праектаў у краіне.

З цікавасцю Кіраўнік дзяржавы азнаёміўся таксама
з выставаю імпартазамяшчальнай прадукцыі, якая выпускаецца асіповіцкімі
прадпрыемствамі, уважліва выслухаў тлумачэнні іх кіраўнікоў і старшыні
райвыканкама Пятра Шукаловіча, агледзеў спартыўны інвентар, які пастаўляецца
ААТ “Асіповіцкі завод аўтаагрэгатаў” для трэніровачнага працэсу
весляроў-байдарачнікаў, прадукцыю шклозавода “Ялізава” і СААТ “Дах”,
прадэгуставаў кандытарскія вырабы фабрыкі “Белга” і г.д.

А ў канцы паездкі Аляксандр Рыгоравіч закрануў
яшчэ важную тэму — навядзення парадку і чысціні. I запатрабаваў, каб да Дня
Перамогі ўсе населеныя пункты, у тым ліку і прыватныя падворкі, былі прыведзены
ў належны парадак. Ён лічыць, што мясцовыя ўлады недастаткова актыўна працуюць
у гэтым напрамку. “Да 9 Мая павінны быць чысціня і ідэальны парадак на
кожным прадпрыемстве. Я ўжо не кажу пра гарады і вёскі. Усё павінна быць
па-гаспадарску, як у прыватніка”, — сказаў ён. I, адрасуючы словы
губернатарам, пад-крэсліў: “Усё пад адказнасць старшынь райвыканкамаў. Мы
не дагружаем старшынь сельсаветаў. Яны павінны пачынаць працаваць”.

Віталь КУЛАКОЎ (з выкарыстаннем матэрыялаў БелТА).