Разам з іншымі пытаннямі, якія ў апошні дзень
лютага былі разгледжаны сесіяй райсавета, дэпутаты разгледзелі і леташнюю
дзейнасць прэзідыума раённага Савета па павышэнні ролі органаў мясцовага
самакіравання ў рашэнні пытанняў жыццезабеспячэння насельніцтва раёна. На чым
жа найперш засяродзіў увагу ўдзельнікаў форуму старшыня нашага дэпутацкага
корпусу Аляксандр ПУЗІК?

* Арганізацыйная работа *

Асноўная форма работы мясцовых Саветаў — сесіі.
У 2011 годзе іх прайшло 12 раённых і 105 пасялковых і сельскіх. Разгледжана 252
пытанні. Сярод іх — дзейнасць райвыканкама па сацыяльна-эканамічным развіцці
раёна ў 2010 годзе, прэзідыума раённага Савета дэпутатаў, стан пажарнай бяспекі
на тэрыторыі Асіповіччыны, добраўпарадкаванне населеных пунктаў і навядзенне
парадку на зямлі і іншыя. Для кантролю выканання раней прынятых рашэнняў
заслухана 18 інфармацый.

Праведзена 12 пасяджэнняў прэзідыума райсавета з
разглядам 37 пытанняў. 8 чалавек узнагароджаны Ганаровай граматай раённага
Савета дэпутатаў, столькі ж — Падзячным лістом старшыні райсавета, вайсковая
часць 42707 — каштоўным падарункам. Па хадайніцтву прэзідыума Ала Леанідаўна
Дзьячэнка ўзнагароджана Ганаровай граматай Нацыянальнага сходу Рэспублікі
Беларусь, Наталля Анатольеўна Еўдакі-мовіч і Дзмітрый Віктаравіч Саўрыцкі —
Ганаровай граматай Магілёўскага абласнога Савета дэпутатаў, Раіса Іванаўна
Аляшкевіч — Па-дзячным лістом старшыні аблсавета.

Нашымі 6 пастаяннымі камісіямі праведзена 30
пасяджэнняў, дзе разгледжана 43 пытанні. У лютым 2011 года на Асіповіцкім
вытворчым участку ААТ «Бабруйскі камбінат хлебапрадуктаў” праведзена выязное
пася-джэнне камісіі вытворча-эканамічнай і па пытаннях мясцовай гаспадаркі, дзе
было разгледжана пытанне па павышэнні якасці і пашырэнні асартыменту
выпускаемай прадукцыі. Такая практыка будзе працягнута і сёлета — пасяджэнні
запланавана правесці на базе хлебазавода і малочнага камбіната.

* Добраўпарадкаванне *

За год ліквідавана 411 несанкцыяніраваных звалак
бытавога смецця агульным аб’ёмам больш за 2.000 кубаметраў, адрамантавана 12,2
і пабудавана 2,7 кіламетра агароджы, уладкавана 228 грамадскіх калодзежаў,
адрамантавана 13 кіламетраў грунтавых дарог, выпілавана 633 і пасаджана 877
дрэў. На выкананне работ па добра-ўпарадкаванні і навядзенні парадку на зямлі
засвоена 1.046,8 мільёна рублёў.

Ліквідавана таксама 103 кінутыя хаты, найбольшая
колькасць у Градзянскім (22), Лапіцкім (21) і Дараганаўскім (20) сельсаветах.
Сёлета за-планавана знесці 118 падобных домаўладанняў.

Летась 181,3 гектара раней не выкарыстоўваемай
зямлі пераразмеркавана і перададзена іншым землекарыстальнікам, у тым ліку 174
— сельгасарганізацыям, 7,3 — для вядзення лясной гаспадаркі.

На бягучы рамонт тэрыторый могільнікаў населеных
пунктаў Краі і Радуцічы Дараганаўскага сельсавета дадаткова выкарыстана за кошт
сродкаў фонду сацыяльнай дапамогі 16,2, Малая Грава Лапіцкага — 15,3, Крамок
Дрычынскага — 12,3 мільёна рублёў.

На пачатак 2012 года з насельніцтвам рабочых
пасёлкаў і сельскіх населеных пунктаў складзена 3.849 дагавораў на вываз
цвёрдых бытавых адыходаў — 63,9% ад ліку асабістых падсобных гаспадарак.
Асабліва актыўна такая работа з насельніцтвам праведзена Ясенскім (80,8%),
Дараганаўскім (79,8%) сельскімі і Ялізаўскім пасялковым (78,6%) Саветамі
дэпутатаў.

* Закуп лішкаў прадукцыі *

Падсобныя гаспадаркі грамадзян займаюць значную
ролю ў вытворчасці сельгаспрадукцыі — удзельная вага складае каля 50%. У іх
закуплена 1.136,6 тоны малака — 88,1% да задання і 91,6% да 2010 года. На 1
галаву з асабістага падворка закуплена 1.476,6 кілаграма малака — на 248,9
больш чым год таму. Прыклад тут падаюць Дрычынскі (2.294), Лапіцкі (2.020) і
Дараганаўскі (1.871) сельсаветы.

Па выніках абласнога спаборніцтва па закупе
малака ў насельніцтва ў намінацыі «Лепшыя малаказборшчыкі” адзначаны
індывідуальныя прадпрымальнікі Алена Паўлаўна Яцко (закупіла 630,9 тоны малака)
і Павел Сяргеевіч Капчан (309,9) — адпаведна І і ІІ месцы, а таксама жыхарка
Вязаўніцы Людміла Іванаўна Стельмах, якая прадала 8.089 кілаграмаў малака і
ўвайшла ў лік «бронзавых” намінантаў-малаказдатчыкаў па колькасці здадзенага
малака на 1 карову.

У насельніцтва таксама было закуплена 394
(заданне — 350) галавы маладняку буйной рагатай жывёлы.

* Па працы і пашана *

Галоўная ўвага Саветаў засяроджана на патрэбы
чалавека і рашэнне яго паўся-дзённых праблем, і актывісты за сваю працу заўсёды
ў пашане: заахвочана 209 чалавек. Па выніках абласнога спаборніцтва сярод
органаў мясцовага самакіравання стараста вёскі Чучча Валянцін Іванавіч Голаў
узнагароджаны Дыпломам III ступені, у дзясятку лепшых у сваіх намінацыях
увайшлі Дараганаўскі сельскі Савет дэпутатаў і Чыгуначны вулічны камітэт
рабочага пасёлка Ялізава, старшыні якіх адзначаны Падзячным лістом старшыні
аблсавета. Па выніках работы за мінулы год Ганаровай граматай, Падзячным лістом
старшыні і грашовай прэміяй аблсавета адзначана дзейнасць дэпутатаў раённага Савета
Алега Эдуардавіча Грышчанкі, Алы Васільеўны Пунчанка і Ларысы Юльянаўны
Баршчэўскай. У наяўнасці і такі станоўчы прыклад, як работа гараджаніна Генадзя
Іванавіча Прушака па добраўпарадкаванні прысядзібнай тэрыторыі, які адзначаны
Падзячным лістом старшыні райвыканкама.

* Задачы *

Сёлета яны таксама надзвычай сур’ёзныя, тым
больш, што гэта год правядзення выбараў дэпутатаў Палаты прадстаўнікоў
Нацыянальнага сходу Рэспублікі Беларусь. А значыць органам мясцовага кіравання
і самакіравання трэба працягваць мэтанакіраваную работу на задавальненне
паўсядзённых патрэб і запытаў насельніцтва ў вырашэнні пытанняў
жыццезабеспячэння.

Запісаў Віталь КУЛАКОЎ.