Напярэдадні самага доўгачаканага вясновага свята
вырашыла пацікавіцца, ці ведаюць мужчыны, як зрабіць шчаслівай жанчыну.
Натуральна, не абмінула гэтым пытаннем — дзеля падказкі вам, паважаныя мужчыны!
— і прадстаўніц прыгожага полу: ці ведаюць яны самі, што ім патрэбна для
шчасця? Аказваецца, ведаюць. I патрабуецца для цудоўнага самаадчування ў
штодзённым жыцці не так і шмат. Мяркуйце самі.

Наталля Высоцкая, прадавец:

— Дазволю сабе не зга-дзіцца са словамі песні,
што лепшыя сябры дзяўчат — гэта брыльянты. Яны, канечне, душэўнай гармоніі не
пашко-дзяць, але па-сапраўднаму жанчыну робяць шчаслівай розныя знакі ўвагі:
падораныя кветкі, ветлівая ўсмешка, прыгатаваная вячэра, шчырае захапленне ў
вачах каханага. Хіба гэта вялікая плата за жаночую радасць?

Аляксандр Ліннік, педагог:

— Давайце сваёй абранніцы больш грошай, прычым
выгляд у вас пры гэтым павінен быць вельмі задаволены. Добра было б часцей
гаварыць сваёй жанчыне : “Купі сабе сама, што хочаш”. Хоць і кажуць, што шчасце
не ў грошах, але і быць шчаслівым “у шалашы” наўрад ці ўдасца. Так што,
паважаныя мужчыны, зарабляйце сродкі, каб ажыццяўляць жаночыя мары!

Мікалай Патапейка, супрацоўнік РАУС:

— Каб ашчаслівіць жанчыну, трэба з ёю для
пачатку ажаніцца! А потым зрабіць так, каб усё астатняе жыццё заставалася
мядовым месяцам. Гэта, канечне, не вельмі лёгка, але хто забараняе паспрабаваць?

Таццяна Вішнікіна, намеснік дырэктара
сельгаспрадпрыемства:

— Ёсць такая сучасная жартоўная прыказка:
“Мужчыны не плачуць, але ныюць з любой нагоды”. Дык вось, каб ваша жонка не
скардзілася на адсутнасць шчасця, перастаньце ныць з-за ўсякіх дробязяў! Нам
так хочацца адчуваць сябе абароненымі за вашымі шырокімі плячыма!

Анатоль Мікуліч, настаўнік:

— Шматгадовы вопыт стасункаў з жанчынамі
дазваляе меркаваць, што з прыгожым полам ніколі не трэба спрачацца —
безвыніковая трата часу. Найбольш мэта-згодныя паводзіны — слухаць і маўчаць,
маўчаць і слухаць. Эх, чаго толькі не зробіш дзеля шчасця жанчыны…

Нэлі Бізунок, сакратар:

— Галоўнае, каб у жыцці заўсёды побач былі
блізкія людзі. Шчасце — калі з задавальненнем ідзеш на любімую работу, калі
раніца пачынаецца з добрага настрою, а ў вясновым блакітным небе ярка свеціць
сонца.

Проста Жанчына, хатняя гаспадыня:

— Мужчына можа зрабіць жанчыну шчаслівай
наступным чынам: 1. Падарыць ёй дзяцей — найвялікшае жаночае шчасце. 2. Разам
гадаваць сынкоў-дачушак. 3. Не рабіць учынкаў, якія засмучаюць абранніцу.

Апытанне праводзіла Валянціна КОРБАЛЬ.