Адзін з важнейшых крытэрыяў дзейнасці
Асіповіцкага раёна газазабеспячэння філіяла РУП “Магілёўаблгаз” — рэалізацыя
прыроднага і звадкаванага газу. За мінулы год прадпрыемства паставіла каля 67,5
мільёнаў кубаметраў прыроднага і 894 тоны звадкаванага газу. За гэты ж перыяд
пракладзена амаль 35 км газа-правода. 204 дамы замест звадкаванага атрымалі
прыродны газ, з іх 35 — у сельскай мясцовасці. Каля 600 домаўладальнікаў
упершыню атрымалі блакітнае паліва.

Сёлета мясцовыя газавікі плануюць увесці ў строй
18 кіламетраў газавых магістраляў, у тым ліку ў Свіслачы — 8, Ліпені — 5,
Забалацці — 3, Жорнаўцы — 1. Газ будзе падключаны ў 250 дамоў. Акрамя гэтага,
будуць газіфікаваны яшчэ каля 300 кватэр. Такім чынам, больш за паўтысячы сямей
палепшаць умовы жыцця.