РАУС

У перыяд з 14 па 20 лістапада зарэгістравана 5
крадзяжоў, 2 выпадкі ўгону аўтатэхнікі. Раскрыта 5 раней здзейсненых
злачынстваў, сярод якіх рабаўніцтва гандлёвага павільёна «Перекресток”, што
адбылося на мінулым тыдні.

Узбуджана 9 крымінальных спраў. У іх ліку і
спроба двух раней судзімых за крадзеж асіпаўчан вывесці са строю чыгуначную
лінію, якая належыць СП ААТ «Дах”. Зламыснікі разукамплектавалі стрэлачныя
пераводы на вуліцы Чапаева, зняўшы з іх шэраг дэталяў агульным коштам каля 500
тыс. руб. для здачы ў металалом.

20 чысла пры правя-дзенні будаўнічых работ на
вул. Чарняхоўскага знойдзена міна часоў Вялікай Айчыннай вайны.

ДАI

Спынена 147 парушэнняў правілаў руху, прыцягнуты
да адказнасці 5 п’яных вадзіцеляў, 66 ліхачоў і 14 пешаходаў. Адбылося 13 ДТЗ,
у якіх загінула 2 чалавекі.

17 чысла на шашы Мінск-Гомель каля в. Цяплухі
аўтамабіль «МАЗ” збіў пешахода. 61-гадовы пенсіянер з п. Ялізава ад атрыманых
цялесных пашкоджанняў памёр.

20 лістапада аўтамабіль «Iвека”, які рушыў па
шашы Асіповічы-Баранавічы, каля в. Вялікі Бор наехаў на веласіпедыста, які ехаў
у спадарожным кірунку. 28-гадовы мясцовы жыхар загінуў на месцы.

АДАI нагадвае, што ў перыяд з 21 па 30 лістапада
праходзіць рэспубліканская прафілактычная акцыя «Асцярожна, пешаход!»

АУСТ

Затрымана 68 правапарушальнікаў, аштрафаваны 3
пасажыры, якія распівалі алкагольныя напоі ў цягніках, раскрыта 3 злачынствы —
крадзеж мабільнага тэлефона і 80 літраў дызпаліва, незаконнае за-хоўванне
наркаўтрымліваючых медпрэпаратаў.

17 чысла ў зоне адказнасці АУСТ і ўзброенай
аховы на станцыі Асіповічы адбыўся выпадак невытворчага траўматызму. Пешаход у
стане алкагольнага ап’янення праігнараваў папераджальны сігнал святлафора на
чыгуначным пераездзе па вуліцы Патоцкага, патрапіў пад манеўровы цеплавоз і
атрымаў чэрапна-мазгавую траўму.

IАЖіРС

Выяўлена 4 парушэнні правілаў вывазу лесу, 1 —
правілаў палявання. Спынена спроба браканьерскай здабычы рыбы, канфіскавана 4
рыбалоўныя сеткі.