Узнагароды — лепшым

Сёння раённая суполка БРСМ — гэта амаль паўтары тысячы юнакоў і дзяўчат. Самыя актыўныя з іх разам з прадстаўнікамі ўлады, прадпрыемстваў і грамадскіх аб’яднанняў раёна сабраліся днямі, каб падвесці вынікі дзейнасці 2018 года.

Больш за 200 членаў БРСМ — валанцёры руху “Добрае сэрца”. У 2018 годзе нашы сталі лепшымі ў краіне ў кірунку “Мы выбіраем дапамогу сталым людзям”, а валанцёрскі атрад СШ № 4 атрымаў званне пераможцаў раённага і абласнога этапаў конкурсу “Валанцёр года — Добрае Сэрца”. На 2 і 3 месцах на Асіповіччыне аказа-ліся валанцёры СШ №2 і Свіслацкай школы, а ў намінацыі “Асабісты ўнёсак” пераможцай стала Валерыя Сомчанка (Жорнаўская СШ).

Таксама прыярытэтны кірунак дзейнасці саюза моладзі — падтрымка і раз-віццё навукі і інавацый. У 2017-2018 гг. маладыя асіпаўчане станавіліся фіна-лістамі рэспубліканскага конкурсу “100 ідэй для Беларусі”, а хутка 2 праекты зноў будуць прадстаўлены на рэспубліцы. Іх аўтары — Дар’я Фамянок (СШ № 1) і Вераніка Жураўлевіч і Дар’я Навасёлава (СШ № 3) узнагароджаны Дыпломамі I ступені раённага этапу.

Ужо які год пры райкаме БРСМ дзейнічае маладзёжны атрад аховы правапарадку. Юнакі і дзяўчаты су-працоўнічаюць з пажарнымі, міліцыяй, ратавальнікамі на вадзе, дапамагаюць у рэалізацыі розных праектаў і мерапрыемстваў. Падзяку за актыўны ўдзел у права-ахоўным руху атрымалі байцы МААП Мікіта Званскі, Крысціна Грынь, Уладзіслаў Ерашэвіч, Карым Джумахонаў, Аляксей Кузоўкін.

Натуральна, актыўная дзейнасць кожнага асобнага прадстаўніка БРСМ пачынаецца з пярвічнай арганізацыі. Лепшай вучнёўскай “пярвічкай” назвалі аб’яднанне моладзі СШ № 4, а падзяку за актыўнасць атрымалі з дзясятак “пярвічак” іншых школ Асіповіччыны.

Падзялілася першы сакратар райкама Алена Надзеявец і планамі на бягучы год. Напрыклад, стартуе новы праект “Маладзёжная прэмія ГА “БРСМ” “Маладзёжны трыумф”. Кожны мае магчымасць атрымаць узнагароду — для гэтага патрабуецца быць усяго толькі актыўным і ініцыятыўным. Падрабязныя ўмовы конкурсу можна будзе хутка ўбачыць на старонках БРСМ у сацыяльных сетках.

А яшчэ ў той дзень шэрагі саюза моладзі папоўніліся новымі сябрамі: каля двух дзясяткаў юнакоў і дзяўчат ва ўрачыстай абстаноўцы атрымалі білеты БРСМ. Дарэчы, зараз білеты новага ўзору, якія з’явіліся ў асіповіцкай моладзі з канца 2017 года, маюць ужо амаль 600 маладых людзей. І атрымліваюць з іх дапамогай зніжкі па праграме лаяльнасці Autohelp.

— Упэўнена, што дзякуючы зладжанай рабоце, рэалізацыі новых ідэй і праектаў наша арганізацыя і далей будзе ўносіць годны ўклад у развіццё роднай Асіповіччыны, — адзначыла на развітанне Алена Надзеявец.