РАУС

21 студзеня па меддапамогу звярнулася асіпаўчанка, якую каля 3 гадзін ночы на вул. Сумчанкі збіў невядомы; следча-аператыўнай групай устаноўлена, што траўмы нанёс 23-гадовы мясцовы жыхар. 27 чысла ў бальніцу дастаўлены ялізаўчанін, збіты аднапасялкоўцам.

РАСК

На мінулым тыдні 10 крымінальных спраў распачата ў дачыненні да грамадзян, якія абавязаны кампенсаваць расходы на ўтрыманне сваіх дзяцей, што знаходзяцца на дзярж-забеспячэнні, але ўхіляліся ад працаўладкавання або сістэматычна дапускалі прагулы.

2 справы ўзбуджана па фактах незаконнага абароту наркатычных сродкаў: супраць 22-гадовага ваеннаслужачага, які 22 студзеня захоўваў па месцы жыхарства 7,35 г марыхуаны, і 21-гадовага непрацуючага, які ў сябе дома збыў указаны наркасродак.

Пракуратурай раёна ўзбуджана справа ў дачыненні да раней судзімага асіпаўчаніна, які ў жніўні п’яны збіў жонку.

ДАI

Папярэджана 119 парушэнняў ПДР, прыцягнута да адказнасці 34 пешаходы, 3 “бяспраўнікі” і нецвярозы вадзіцель. Зарэгістравана 2 ДТЗ з механічнымі пашкоджаннямі.

22 чысла ў 18.22 на 87 км аўтадарогі Мінск-Гомель паблізу в. Цэль 49-гадовы асіпаўчанін на “Пежо” наехаў на жыхара пас. Сасновы. 78-гадовы мужчына, які быў пазначаны святлоадбівальнымі элементамі адзення, але пераходзіў дарогу па-за пешаходным пераходам, памёр на месцы здарэння. Па факце дарожна-транспартнага здарэння ўзбуджана крымінальная справа.

Дэпартамент аховы

Да адміністрацыйнай адказнасці прыцягнуты парушальнік антыалкагольнага заканадаўства і 4 — правіл дарожнага руху, 7 асоб, што з’яўляліся ў нецвярозым выглядзе ў грамадскіх месцах, 2 і 1 — учынілі дробнае хуліганства і іншыя правапарушэнні.

РАНС

Увага! Рэспубліканская акцыя “Бяспека – у кожны дом!” праходзіць па 28 лютага. Iнспектары ў чарговы раз звяртаюць увагу на асноўныя прычыны ўзнікнення пажараў: неасцярожнае абыходжанне з агнём, парушэнне правілаў эксплуатацыі печак і электраабсталявання, дзіцячае свавольства.

IАЖіРС

Складзена 4 адміністрацыйных пратаколы за парушэнне правілаў лесакарыстання.