У перыяд з 19 па 25 верасня было ўзбуджана 4
крымінальныя справы, раскрыта здзейсненае раней злачынства, зарэгістравана 5
супрацьпраўных учынкаў. З іх: крадзяжы — 2, нанясенне цялесных пашкоджанняў,
забойства, угон — па 1.

22 чысла ў перыяд з 15.30 да 16.00 гадзін з
ахоў-ваемай тэрыторыі базы прадпрыемства “Будаўніча-мантажны поезд № 761” знікла 100 м кранавага кабелю.

Раніцай 23 верасня на адной з вуліц вёскі Лапічы
знойдзены труп 31-гадовага мясцовага жыхара — лесніка ДДЛГУ “Асіповіцкі
доследны лясгас”. Прычына смерці — нажавое раненне ў жывот.

У той жа дзень узбуджана крымінальная справа ў
адносінах да 42-гадовага жыхара г. Бабруйска, які напрыканцы ліпеня на ст.
Ясень па-гражаў забойствам сваёй сястры. Падчас правядзення праверкі абставін
узгаданага ўчынку бабруйчанін збег, і на яго быў аб’яўлены вышук.

Раніцай 23 верасня ў гаражы ПУП “Асіповіцкая
аўтамабільная школа” ДТСААФ загарэлася вучэбная машына ВАЗ-2107. Верагодная
прычына ўзгарання — кароткае замыканне электраправодкі.

Паўторна на працягу года затрыманы жыхар горада,
які займаўся незаконнай лоўляй рыбы. Дакументы на ўпартага браканьера
перададзены ў РАУС, дзе ў хуткім часе на яго будзе ўзбуджана крымінальная
справа.