З больш за паўсотню пытанняў,

вынесеных 21 верасня на чарговае пасяджэнне
райвыканкама, якое прайшло пад началам першага намесніка старшыні Васіля
Пятроўскага, варта выдзеліць тры: “Аб дзейнасці дзяржаўнай вучэбна-спартыўнай
установы “Асіповіцкая раённая дзіцяча-юнацкая спартыўная школа” па падрыхтоўцы
спартыўнага рэзерву”, справаздачы дырэктараў УКП ЖКГ і ДУКВП “Водаканал” аб
арганізацыі работы са зваротамі грамадзян і ход выканання рашэння райвыканкама
ад 4 мая б.г. “Аб падрыхтоўцы народнай гаспадаркі раёна да работы ў
асенне-зімовы перыяд 2011-2012 года”.

Асноўную інфармацыю па першаму пытанню зрабіў
начальнік аддзела фізкультуры, спорту і турызму райвыканкама Віктар Шыльцаў,
які прывёў шмат прыкладаў таго, як ідзе падрыхтоўка спартыўнага рэзерву ў ДЮСШ.
Напрыклад, па пэўных відах спорту яна ў раёне арганізавана на васьмі
аддзяленнях, педагагічнай дзейнасцю займаюцца 34 трэнеры-выкладчыкі, у тым ліку
13 штатных спецыялістаў. На базе САШ-2 функцыянуе спецыялізаваны клас па
футболу. За апошні час ёсць станоўчая дынаміка прыцягнення вучняў да заняткаў
ва ўстанове. За 2006-2011 гады падрыхтавана 679 спартсменаў масавых разрадаў,
27 першаразраднікаў і 11 кандыдатаў у майстры спорту, 4 вучням прысвоена званне
майстра спорту. У вышэйшае звяно падрыхтоўкі перададзена 23 чалавекі, у тым
ліку баскетбол — 4, футбол — 8, гандбол — 2, кікбоксінг — 3, лёгкая атлетыка —
3, дзюдо — 1, веславанне на байдарках і каноэ — 2. Сёлета ў нацыянальныя і
зборныя краіны залічана 8 выхаванцаў спартшколы. Тыя, хто займаецца ў ДЮСШ,
паспяхова выступаюць на абласных, рэспубліканскіх і міжнародных спаборніцтвах.
Ума-цоўваецца таксама матэрыяльна-тэхнічная база і г.д.

Але за плюсамі нельга не заўважаць і недахопы.
Напрыклад, трэба павышаць эфектыўнасць работы трэнераў-выкладчыкаў па
падрыхтоўцы спартыўнага рэзерву зборных каманд і перадачы выхаванцаў у вышэйшае
звяно падрыхтоўкі, пашыраць колькасць спецыялізаваных па спорту класаў, больш
ахопліваць дзяцей аздараўленнем летам, строга кантраляваць арганізацыю і
правядзенне вучэбна-трэніровачных заняткаў, сістэматызаваць работу па адбору
вучняў для мэтавай падрыхтоўкі ва ўніверсітэце фізкультуры, умацоўваць
трэнерска-вы-кладчыцкія кадры, спыніць бягучасць кадраў сярод маладых
спецыялістаў, больш актыўна займацца пошукам фінансавых сродкаў на набыццё
інвентару, абсталявання, спартыўнай формы і г.д.

Менавіта на гэтым і сканцэнтравалі ўвагу і члены
выканкама, і старшыня Вышэйшага гаспадарчага суда Рэспублікі Беларусь Віктар
Камянкоў, які паралельна ўзначальвае Беларускую федэрацыю баскетбола, і
начальнік упраўлення фізкультуры, спорту і турызму Магілёўскага аблвыканкама
Уладзімір Юдко. Заўвагі якіх, пасля дэталёвага абмеркавання з
фізкультурна-спартыўным актывам раёна, і ўвайшлі ў прынятае рашэнне.

Не менш актыўна ішла размова і пры разглядзе
наступных пытанняў, тон у якой задалі старшыня Пастаяннай камісіі Савета
Рэспублікі па эканоміцы, бюджэту і фінансах Вадзім Папоў, начальнік упраўлення
юстыцыі Магілёўскага аблвыканкама Аляксандр Маймусаў і старшыня абласнога
гаспадарчага суда Віктар Багуслаўскі.

Справаздачы Леаніда Змачынскага і Iгара Трацяка
з прыведзенымі шмат-лікімі лічбамі-фактамі сведчаць, што кіраўнікамі
прадпрыемстваў прымаліся пэўныя меры па забеспячэнні правоў і ахоўваемых
законам інтарэсах грамадзян. Як ва УКП ЖКГ, так і ДУКВП “Водаканал” за
студзень-жнівень у параўнанні з леташнім перыядам паступіла менш пісьмовых
зваротаў людзей, тут распрацаваны і дзейнічаюць сістэмы прыёму заявак ад
насельніцтва дыспетчарскімі службамі, у арганізацыях ёсць стэнды з усёй
неабходнай чалавеку інфармацыяй, цікавячыя землякоў пытанні рэгулярна
тлумачацца праз раённыя газету і радыё і г.д.

Але і цяпер яшчэ здараецца, што асобныя заявы
ўсё ж разглядаюцца няякасна, людзям даюцца няпоўныя адказы і г.д. Што і знайшло
сваё месца ў прынятым рашэнні.

Што тычыцца падрыхтоўкі народнай гаспадаркі
раёна да работы восенню і зімой, то інфармацыя начальніка аддзела
жыллёва-камунальнай гаспадаркі райвыканкама Наталлі Гапоненка сведчыць, што
большасць арганізацый завяршыла перадзімовыя падрыхтоўчыя работы з афарм-леннем
і рэгістрацыяй у органах дзяржэнерганагляду пашпартоў гатоўнасці аб’ектаў.
Цалкам праве-дзены прафрамонт катлоў і кацельняў, рамонт цэнтральных
цеплапунктаў, адрамантаваны 13,3 (92,3%) тысячы “квадратаў” даху, больш
запланаванага — адмосткі і стыкаў панэляў, зроблена прамыўка ўсіх водаправодных
і каналізацыйных сетак, практычна ўсімі арганізацыямі нарыхтавана патрэбная
колькасць паліва і інш.

Хаця і тут яшчэ не ўсё гладка: ёсць праблемы з
кацельняй і наяўнасцю цвёрдага паліва ў ПДЛПУП “Дзіцячы санаторый “Свіс-лач”,
упраўленнем сель-скай гаспадаркі і харчавання не ў належным аб’ёме забяспечаны
ўстаноўка і функцыянаванне ўстройстваў выроўнівання электрапатэнцыялаў на
жывёлагадоўчых фермах і г.д. Таму задача зразумелая кожнаму: зімовыя халады ўсе
павінны сустрэць як належыць.