У адукацыйных установах Асіповіччыны
працягваецца падрыхтоўка да новага навучальнага года. Як паведаміла «раёнцы”
намеснік начальніка аддзела адукацыі райвыканкама Тамара Салабута, рамонтныя
работы, якімі займаюцца ўсе ўстановы адукацыі, знаходзяцца на завяршаючым
этапе: у хуткім часе пачнецца прыёмка школ, падчас якой навучальныя аб’екты
атрымліваюць пашпарты гатоўнасці да прыёму дзяцей.

— На  ўсе
віды рамонтна-будаўнічых работ ужо затрачана больш за 150 мільёнаў рублёў
бюджэтных сродкаў, — гаворыць Тамара Міхайлаўна. —  З іх амаль на 100 мільёнаў набыта будаўнічых
матэрыялаў. Ажыццяўляецца таксама рамонт школьных аўтобусаў, на што выдаткавана
50 мільёнаў. Акрамя бюджэтных грошай, на патрэбы школ выкарыстана каля 70
мільёнаў дабрачынных і пазабюджэтных сродкаў, у тым ліку шэфскімі
прадпрыемствамі аказана грашовая дапамога ў памеры 20,4 мільёна рублёў.