Нядаўна ў сталіцы адбыўся першы этап
індывідуальна-каманднага чэмпіянату Рэспублікі Беларусь па матацыклетным кросе.
У ім прынялі ўдзел і чацвёра асіпаўчан з мотаклуба «Юнацтва”: Раман Сцяхновіч
(клас «міні”), Дзмітрый Лаціннік («нацыянал”), Максім Клімовіч і Алег Глебушаў
(«юніёр”). Апошні і заняў трэцяе месца ў сваім класе.

9-10 ліпеня ў Ашмянах прайшоў другі этап
першынства, у якім паўдзельнічаў і Тарас Крыль. Наш хлопец заняў чацвёртую пазіцыю
з 16 магчымых. Алег Глебушаў таксама праехаў упэўнена і зноў-такі фінішаваў
трэцім.

— Калі ўлічваць, што многія нашы сапернікі
выступалі на значна больш моцных матацыклах, то адзін прызёр — гэта ўжо добра,
— каменціруе сітуацыю трэнер мотаклуба Міхаіл Брэль. — Напрыклад, у класе
Тараса, які ездзіў на матацыкле з рухавіком аб’ёмам у 200 см3, выступалі
спартсмены і на 250, і на 500 «кубікаў”. І аднак — чацвёртае месца!