РАУС

У перыяд з 27 чэрвеня па 3 ліпеня адбыўся 1
крадзеж і выяўлены 1 факт самагонаварэння. На дзіва спакойныя крымінальныя
абставіны, верагодна, тлумачацца пераходам усіх сілавых структур раёна на
надзвычайны рэжым работы ў сувязі з уцёкамі двух злачынцаў з ізалятара часовага
ўтрымання Асіповіцкага РАУС.

ДАI

Спынена 184 парушэнні правілаў дарожнага руху.
Прыцягнута да адказнасці 8 вадзіцеляў за язду ў стане алкагольнага ап’янення,
16 — за парушэнне хуткаснага рэжыму. Адбылося 15 ДТЗ, у найбольш цяжкіх з якіх
былі вінаваты матацыклісты.

Каля 10 гадзін 29 чэрвеня на шашы
Бярэзіна-Бабруйск вадзіцель матацыкла збіў пешахода, які ад атрыманых
пашкоджанняў адразу памёр. З месца здарэння матацыкліст знік, аднак надвячоркам
таго ж дня быў затрыманы. Злачынца і яго ахвяра аказаліся жыхарамі пасёлка
Ялізава і — здараюцца ж такія супадзенні — мелі аднолькавыя прозвішчы.

2 ліпеня на шашы Замошша-Лучыцы яшчэ адзін
“байкер” не справіўся з кіраваннем, ад чаго яго “Ява” ўпала на праезную частку.
Пры ДТЗ пасажырка атрымала сур’ёзную траўму галавы, вадзіцель застаўся цэлым.
Апошні таксама пакінуў месца аварыі, чамусьці не аказаўшы дапамогі пацярпелай і
кінуўшы незарэгістраваны матацыкл. Асоба ўцекача ўстаноўлена, вядзецца
праверка.

АУСТ

Затрымана 52 правапарушальнікі, узбуджана 3
крымінальныя справы па фактах падробкі дакументаў на права набыцця псіхатропных
сродкаў, захавання наркатычых рэчываў і рабаўніцтва пасажыра ў купэ цягніка.

У зоне адказнасці АУСТ і ваенізаванай аховы на
чыгуначнай станцыі Асі-повічы адбыўся няшчасны выпадак. Раніцай 3 ліпеня на
перагоне Асіповічы-Дзераўцы машыніст таварнага цягніка заўважыў двух чалавек,
якія ляжалі на чыгуначным палатне і не рэагавалі на гукавы сігнал. Прымяненне
экстраннага тармажэння жыццё мужчыны — ён ляжаў паміж рэек — не захавала, а
вось жанчына засталася цэлай: лакаматыў толькі адкінуў яе на некалькі метраў ад
палатна. Абодва пацярпелыя былі моцна п’янымі.

Дэпартамент аховы

Спынена 8 выпадкаў распіцця алкагольных напояў у
месцах грамад-скага карыстання.

29 чысла затрыманы злодзей, які 3 чэрвеня
здзейсніў крадзеж відэамагнітафона ў пенсіянера з в. Лапічы.

Медвыцвярэзнік

Аказана дапамога 25 мужчынам і 2 жанчынам.
Дарэчы, З ліпеня наведвальнікамі ўстановы сталі толькі два пацыенты, якія не
здолелі паведаміць звесткі аб сабе. Усіх астатніх перапіўшых пры святкаванні
Дня Незалежнасці грамадзян міліцыянеры дастаўлялі дадому.

РАНС

30 чэрвеня ў в. Крынка загарэлася гаспадарчая
пабудова на адной з сядзіб. У агні загінуў конь.

IАЖіРС

Спынены 4 выпадкі незаконнай здабычы рыбы,
парушэнне правілаў перавозкі лесу, аштрафаваны аматар збору ягад з дапамогай
забароненага механічнага прыстасавання — “камбайна”.