У апошні час надвор’е прыемна здзіўляе прыхільнікаў зімовых відаў спорту і забаў — лёгкі марозец і гурбы снегу так і вабяць на вуліцу. Каб падтрымаць аматараў здаровага ладу жыцця, у Асіповічах арганізаваны пракат спартыўнага інвентару. Напрыклад, канькі магчыма ўзяць непасрэдна побач з асноўнай гарадской лядовай пляцоўкай на стадыёне “Алімпіец”. Пункт пракату працуе з 14 да 21 гадзіны ў аўторак-пятніцу і з 10 да 21 — у суботу-нядзелю.

Жадаеце пакатацца на лыжах? Тады звяртайцеся ў АСК “Мускул” у панядзелак-пятніцу з 8 да 22, у суботу — з 8 да 18, а ў нядзелю — з 10 да 17 гадзін. Зразумела, у камплекце з лыжамі атрымаеце палкі і боты. Кошт пракату рыштунку — 3 рублі/гадзіна, а на суткі — 11. Памятайце: падтрэбны дакумент, які пацвярджае асобу.

Лавіце момант, каб летам было што ўспомніць!