Умелыя рукі, разумныя галовы

На абласным этапе рэспубліканскай алімпіяды па вучэбных прадметах прадстаўнікі навучальных устаноў Асіповіччыны паказалі выдатныя вынікі.

Так, першыя месцы ў алімпіядзе па тэхнічнай працы атрымалі вучні СШ № 4 Канстанцін Літвінка і Данііл Лезнянкоў, а вучаніца гімназіі Яна Слаук стала лепшай сярод знаўцаў рускай мовы. Срэбраныя медалі дасталіся юным гісторыкам Ганне Лазовік з СШ № 4 і прадстаўніку СШ № 3 Уладзіславу Калькову. На “бронзавую” прыступку ўзняліся матэматыкі Анастасія Няверава (Лапіцкая СШ), Сямён Гарох (Дараганаўскі ВПК дзіцячы сад-сярэдняя школа), Станіслаў Патапаў і Ганна Пестава, эрудыты ў рускай мове і грамадазнаўстве Арына Парахневіч і Цімур Рудкоўскі з СШ № 3.