РАУС

16 студзеня ў бальніцу звярнуўся мужчына, якога ў двары ўласнага дома ў в. Маісеевічы параніў сякерай раней судзімы жыхар Пухавіцкага раёна. Праводзіцца праверка па фактах выяўлення ў доме асіпаўчаніна 86,5 л вадкасці з утрыманнем спірту, выкрадання дзвюма непрацуючымі жанчынамі 2 бутэлек гарэлкі ў краме “Суседзі”. Супрацоўнікі IАЖіРС затрымалі 3 жыхароў райцэнтра, якія з выкарыстаннем незаконных прылад лоўлі здабылі 245 асобін рыбы.

РАСК

Начальнік разліковага бюро завода ў кастрычніку з выкарыстаннем службовых паўнамоцтваў спрабавала паўторна налічыць 1268 руб. 98 кап. працаўніцы.

Пракуратурай раёна распачаты крымінальныя справы ў дачыненні да 2 асіпаўчан, якія сістэматычна збівалі жонку і сужыцельку.

Раней судзімы жыхар аг. Лапічы захоўваў пры сабе 25,38 г марыхуаны.

44-гадовая жыхарка Вязаўніцы, пазбаўленая права кіравання транспартным сродкам на 3 гады, 30 снежня зноў села за руль п’янай.

З хаты прадпрымальніка выкрадзена 200 рублёў, 114 пачкаў кавы і 5 бутэлек каньяку агульным коштам 600 руб.

ДАI

Папярэджана 134 парушэнні ПДР, прыцягнуты да адказнасці нецвярозы вадзіцель і 43 пешаходы. Адбылося 11 ДТЗ.

Увага! 26 студзеня — Адзіны дзень бяспекі дарожнага руху “Дарога памылак не даруе”; па 2 лютага праводзіцца комплекс мерапрыемстваў па папярэджанні ДТЗ з удзелам пешаходаў і іншых неабароненых удзельнікаў дарожнага руху.

Дэпартамент аховы

Узбуджана крымінальная справа; да адміністрацыйнай адказнасці прыцягнуты 6 парушальнікаў ПДР, 2 самагоншчыкі, 4 асобы, што ў нецвярозым выглядзе з’яўляліся ў грамадскіх месцах, 2 — здзейсніўшых дробныя крадзяжы, 4 — іншыя правапарушэнні.

РАНС

У ноч на 22 студзеня адбыўся пажар у прыватным доме ў Ліпені. Знішчаны дах, маёмасць, пашкоджаны сцены.

IАЖіРС

Узбуджана крымінальная справа ў дачыненні да невядомага, які 18 студзеня незаконна здабыў 401 асобіну рыбы коштам 10706 руб. Складзены 2 адміністрацыйныя пратаколы за парушэнне правілаў лесакарыстання.