5 чэрвеня прайшла раённая спартакіяда, якая ў
чарговы раз паказала, дзе працуюць сапраўдныя спартыўныя “зоркі”.

У першай групе сярод прадпрыемстваў лідзіраваў
фізкультурна-спартыўны камбінат “Лакаматыў”, які стаў лепшым па стральбе,
баскетболе і ў гіравым спорце. У лёгкаатлетычных спаборніцтвах І месца заняла
каманда шклозавода “Ялізава”, другое — ФСК “Лакаматыў”, трэцяе — завод
аўтаагрэгатаў. У стральбе ІІ месца ўзяла каманда АЗАА, трэцяе — раённая
бальніца. Другімі сярод баскетбалістаў і гіравікоў аказаліся аўтаагрэгатчыкі, а
трэцімі — работнікі шклозавода “Ялізава”.

У другой групе больш першых месцаў заваявала
каманда ўпраўлення магістральных газаправодаў — па лёгкай атлетыцы і гіравым
спорце. Мацнейшыя стралкі з ДУКВП “Водаканал”, за імі — лясгас і ААТ “Гандаль”.
Сярод гіравікоў другі вынік паказалі работнікі лясгаса, а трэці — каманда
райста.

У трэцяй групе вылучыўся рыбгас “Свіслач”,
каманда якога святкавала перамогі ў лёгкай атлетыцы і гіравым спорце і стала
другой у стральбе. Асіповіцкі вытворчы ўчастак Бабруйскага камбіната
хлебапрадуктаў першынстваваў у стральбе, а трэцяе месца дасталася ўстанове
“Маяк”. Сярод гіравікоў другім быў райвузел электрычнай сувязі, трэцім — ААТ
“Дах”.

Сярод калгасных валейбалістаў мацнейшай стала
каманда СВК “Калгас “Ясень”, за ёй — СВК “Калгас “Авангард” і філіял “Белшына-агра”
ААТ “Белшына”. У стральбе лепшы вынік паказаў СВК “Калгас “Чырвоны ўдарнік”,
другі — ААТ “Пратасевічы”, трэці — СВК “Калгас “Авангард”. Лепшыя лёгкаатлеты
працуюць, як высветлілася, у СВК “Калгас “Новы шлях”, філіяле “Белшына-агра” і
СВК “Калгас “Каўгарскі”, а гіравікі — у “Авангардзе”, “Новым шляху” і філіяле
“Белшына-агра”.

У гэты ж дзень майстэрства ў стральбе паказалі і
кіраўнікі раёна. Сярод начальнікаў прадпрыемстваў першым быў Аляксандр Няхай
(рыбгас), другім — Уладзімір Барэйша (Жорнаўская эксперыментальная лясная
база), трэцім — Мікалай Івашка (ДЭУ № 73). Сярод кіраўнікоў калгасаў лепшы вынік
паказаў Пётр Сашчэка (СВК “Калгас “Ясень”), другі — Сяргей Сідоранка
(“Авангард”), трэці — Іван Малінок (калгас імя Чарняхоўскага).

Ганна ФАРЫДОВІЧ.