Аказваецца, на ХІ Міжнародным фестывалі дзіцячай
творчасці асіпаўчане заваявалі не дзве, а тры ўзнагароды. Аднак гэта стала вядома
ўжо пасля таго, як наша дэлегацыя паехала з мерапрыемства.

Дыплом ІІ ступені атрымала яшчэ Ксенія Раманчук,
вучаніца метадыста Цэнтра народных рамёстваў Аляксандры Рыбак. На фестывалі
дэманстраваліся не толькі работы дзяўчынкі, але і яе ўменне працаваць за
станком. Навучанне старажытнаму майстэрству пачалося дзесьці паўгода таму, а на
падрыхтоўку конкурсных рэчаў — ручніка і сурвэткі, упрыгожаных мохрамі — пайшло
каля двух месяцаў. Яны, дарэчы, былі выкананы з выкарыстаннем узораў,
традыцыйных менавіта для Асіповіччыны.

Ганна МАЦКЕВІЧ.