Асіповічы: хроніка здарэнняў

РАУС

У перыяд з 18 па 26 снежня ў гандлёвых кропках выяўлена 147 адзінак піратэхнікі, якая захоўвалася і рэалізоўвалася з парушэннем устаноўленых правіл, — прадаўцы прыцягнуты да адміністрацыйнай адказнасці. У панядзелак шпіталізаваны з нажавымі ранамі жыхар райцэнтра, траўміраваны сужыцелькай. Паступіла паведамленне ад непаўналетняй, якую падчас сваркі з жонкай спрабаваў задушыць шалікам п’яны айчым.

РАСК

Узбуджана крымінальная справа ў дачыненні да бабруйчанкі, якая па вясне скрала 1200 долараў ЗША ў непрацуючага асіпаўчаніна.

9,6 кг лому алюмінію выкралі двое непрацуючых з двара дачнага дома ў райцэнтры.

Навучэнец каледжа, які знаходзіцца на ўліку ў IСН, у адной з кавярняў горада выкраў у наведвальніка мабільны тэлефон.

ДАI

Папярэджана 111 парушэнняў ПДР, прыцягнуты да адказнасці 38 пешаходаў і нецвярозы вадзіцель. Адбылося 12 ДТЗ.

18 снежня ў 19.37 вадзіцель “Мерседэса” на пешаходным пераходзе на вул. Юбілейнай наехаў на непазначанага святлоадбіваючымі элементамі 40-гадовага асіпаўчаніна, які быў шпіталізаваны з цяжкімі цялеснымі па-шкоджаннямі.

Нагадваем, што пешаходы пры руху па краі праезнай часткі дарогі ў цёмны час сутак павінны абазначыць сябе флікерамі!

Дэпартамент аховы

Да адміністрацыйнай адказнасці прыцягнуты 5 парушальнікаў ПДР, 6 асоб, што з’яўляліся ў грамадскіх месцах у нецвярозым выглядзе, 2 і 4 — учынілі дробныя крадзяжы і хуліганства,  2 — іншыя правапарушэнні.

РАНС

15 і 25 чысла адбыліся пажары ў жылым доме ў райцэнтры і лазні ў Каменічах.

IАЖіРС

Складзены адміністрацыйны пратакол за парушэнне правілаў рыбалоўства і 3 — лесакарыстання.