25 мая ў рамках акцыі “Адзіны дзень
масавага футбола” на Асіповіччыне адбыліся гульні, у якіх прынялі ўдзел
юныя спартсмены, ветэраны і аматары.

На стадыёне “Лакаматыў” гулялі
прадстаўнікі ЖКГ і “Райсэрвісу”, а таксама 2 зборныя каманды
аматараў, а матчы між юнакамі 1997-98 і 1999-2000 г.н. прайшлі на
стадыёне “Алімпіец”.

Таварысцкія сустрэчы правялі між сабой гарадскія
ўстановы адукацыі: САШ № 1 і гімназія, САШ № 4 і прафесійна-тэхнічны каледж,
САШ № 3 і САШ № 2. Акрамя таго, ва ўсіх агульна-адукацыйных школах раёна
прайшлі спаборніцтвы між навучэнцамі 1-11 класаў. У Лапічах на поле выйшлі
каманды вайскоўцаў з Цэлі і мясцовых школьнікаў.

Агульная колькасць удзельнікаў акцыі склала
1.821 чалавек.