ХронIка здарэнняў №49

РАУС

У перыяд з 30 мая па 5 чэрвеня ўзбуджана 8
крымінальных спраў. Адбылося 12 супрацьпраўных учынкаў: крадзяжы — 5, нанясенне
цяжкіх цялесных пашкоджанняў — 4, незаконнае абарачэнне наркатычных рэчываў —
2, самагонаварэнне — 1. Знойдзены 3 трупы без прыкмет гвалтоўнай смерці. Адзін
чалавек скончыў жыццё самагубствам, другі ўтапіўся.

Падчас земляных работ будаўнікі знайшлі снарад
часоў Вялікай Айчыннай вайны. Раскрыта 3 правапарушэнні, якія былі здзейснены
раней. Адно з іх — злачынства, учыненае на тэрыторыі яўрэйскіх могілак
напрыканцы сакавіка.

5 чэрвеня ў райбальніцу была дастаўлена
16-гадовая навучэнка мясцовага кале-джа з мноствам цялесных пашкоджанняў.
Дзяўчына па неасцярожнасці выпала з балкона другога паверха аднаго з дамоў па
вул. Юбілейнай.

ДАI

Спынена 181 парушэнне ПДР. Прыцягнута да
адказнасці 6 вадзіцеляў за язду ў стане алкагольнага ап’янення, 96 — за
парушэнне хуткаснага рэжыму альбо правілаў абгону. Адбылося 9 ДТЗ.

5 чэрвеня сярод ночы 25-гадовы жыхар в. Замошша
вырашыў пракаціцца на мапедзе. Не справіўшыся з кіраваннем, сутыкнуўся з
аўтамабілем, які стаяў каля ўзбочыны дарогі. У выніку ДТЗ прычыніў сабе
цялесныя пашкоджанні.

АУСТ

Атрымана 33 паведамленні аб правапарушэннях.
Узбуджана 1 крымінальная справа. Затрымана 39 парушальнікаў, суправоджана 87
цягнікоў.

Медвыцвярэзнік

З вуліц горада для пра-цверажэння дастаўлена 33
аматары злоўжывання алкаголем. У іх ліку 5 жанчын.

РАНС

Раніцай у нядзелю ў в. Вязаўніца загарэўся жылы
дом. У выніку пажару знішчана маёмасць, пашко-джаны дах, перакрыццё і сцены.
Прычына — неасцярожнасць з агнём.

IАЖіРС

Складзены 1 пратакол за незаконную высечку лесу.