РАУС

У перыяд з 16 па 22 мая ўзбуджана 6 крымінальных
спраў. Адбылося 14 супрацьпраўных учынкаў, у ліку якіх: крадзяжы — 7, выпадкі
самагонаварэння — 2, нанясенне цялесных пашкоджанняў, нелегальнае пранікненне
на тэрыторыю краіны, незаконнае абарачэнне наркатычных рэчываў, пагроза
забойствам — па 1.

21 чысла затрыманы 48-гадовы грамадзянін
Рэспублікі Украіна, які спрабаваў правезці ў Беларусь каля 120 г высушанай марыхуаны.

На наступны дзень у жыхаркі в. Жорнаўка на
гарадскім рынку невядомая асоба ўкрала сумку, дзе знаходзіліся 2,5 млн. руб. і
ма-більны тэлефон.

ДАI

Спынена 189 парушэнняў ПДР. Прыцягнуты да
адказнасці 3 вадзіцелі за язду ў стане алкагольнага ап’янення, 96 — за
парушэнне хуткаснага рэжыму. Адбылося 4 ДТЗ.

22 мая аўтамабіль «Фольксваген-Пасат”, які рушыў
па шашы Мінск-Гомель, пры павароце налева не прапусціў сустрэчны «Рэно-Меган».
У выніку сутыкнення вадзіцель «Рэно» атрымаў пералом кісці правай рукі, а
гаспадар «Фольксвагена» — моцную «фінансавую траўму”: машына, на набыццё якой
быў узяты крэдыт у 17 тыс. долараў, пасля моцнага бакавога ўдару рамонту ўжо не
падлягае.

АУСТ

Затрымана 60 правапарушальнікаў, узбуджана
крымінальная справа па факце крадзяжу грошай на пероне аднаго з прыпыначных
пунктаў.

Адбыўся 1 няшчасны выпадак. Пацярпелы — мужчына,
які патрапіў пад грузавы састаў — дастаўлены ў рэані-мацыю ў крытычным стане.

РАНС

19 чысла на прыватнай сядзібе на вул. Энгельса ў
Асіповічах загарэлася гаспадарчая пабудова. Прычына пажару — парушэнне тэхнікі
бяспекі пры карыстанні газавай гарэлкай.

IАЖіРС

Складзены пратаколы на 4 парушальнікаў правілаў
рыбалоўства. Прыцягнута да адказнасці за невыкананне прадпісання аб ліквідацыі
парушэнняў тэхналогіі лесанарыхтовак юрыдычная асоба — ПГУП «Кучура”.