Напрыканцы красавіка завяршыўся “Скураны мяч” — шасцідзённы чэмпіянат па футболе сярод школьных
каманд горада.

У старшай групе (1997-98 г.н.) пераможцамі сталі
выхаванцы трэнера Аляксандра Елезаранкі са спецкласа САШ № 2. Другое месца
заняла каманда САШ № 3, а трэцяе — гімназія. У малодшай групе (1998-2000 г.н.) гімназія
перабралася на першую пазіцыю, за ёй размясціліся каманды САШ № 1 і САШ № 3.

У старэйшай групе мацнейшымі ігракамі прызнаны:
нападаючы Дзмітрый Заранка (САШ № 4), абаронца Пётр Ануфрыенка (САШ № 3),
паўабаронца Сяргей Кіжабкін (САШ № 2), варатар Улад Лаціннік (САШ № 2), а
лепшым бамбардзірам стаў Уладзіслаў Таранкоў (САШ № 2). У малодшай групе —
нападаючы Аляксей Бітко (САШ № 1), абаронца Улад Дзятлаў (САШ № 3), паўабаронца
Валерый Пісецкі (САШ № 2), варатар Аляксей Нагайцаў (гімназія) і “снайпер”
Мікіта Белаліпецкі (гімназія).