Асіповічы: хроніка здарэнняў

РАУС

З 21 па 27 жніўня ў ходзе спецпраграмы “Мак” знішчана 9,8 кг дзікарослых канопляў. Паблізу в. Малая Гарожа пры правядзенні земляных работ знойдзены мінамётны снарад, паблізу в. Жорнаўка выяўлены фрагмент чэрапа — абедзве знаходкі часоў вайны.

РАСК

У райцэнтры з трох агародаў па вул. Крыловіча выкрадзены ўраджай бульбы, морквы і капусты агульным коштам звыш 305 рублёў.

Раней не судзімы жыхар Вялікай Гравы 13 ліпеня ў лясным масіве Вяззеўскага лясніцтва знайшоў і незаконна разабраў тушу дзікай казулі, пасля чаго перанёс часткі ў палімерным пакеце, чым парушыў забарону на перамяшчэнне і разбіранне дзікіх жывёл, у тым ліку загінулых.

20-гадовы асіпаўчанін ноччу 18 жніўня на аўтастаянцы паблізу гарад-скога пляжа збіў дваіх мужчын і тэлескапічнай дубінкай пашкодзіў аўтамабіль трэцяга.

1310 кг яравой пшаніцы выкралі 23 жніўня з тэрыторыі машыннага двара работнікі аднаго з сельгаспрадпрыемстваў раёна, чым прычынілі ўрон на суму звыш 305 рублёў.

АУСТ

Складзена 10 матэрыялаў аб здарэннях і 52 адміністрацыйныя пратаколы, знойдзена асоба ў вышуку, суправоджаны 104 цягнікі, з якіх знята 8 правапарушальнікаў. У ходзе спецпраграмы “Мак” знішчана 3,5 кг дзікарослых канопляў.

Дэпартамент аховы

Да адміністрацыйнай адказнасці прыцягнуты 3 самагоншчыкі, столькі ж парушальнікаў ПДР, 4 асобы, што здзейснілі дробныя крадзяжы, у грамадскіх месцах за з’яўленне ў нецвярозым вы-глядзе затрымана 11 чалавек.

РАНС

У нядзелю адбыўся пажар дома па вул. Каралёва. Знішчана веранда, пашкоджаны дах, перакрыцце і маёмасць.

IАЖіРС

2 адміністрацыйныя пратаколы складзены за крадзеж сажалкавай рыбы, па адным — за парушэнне правілаў рыбалоўства і непадпарадкаванне законным патрабаванням супрацоўніка інспекцыі.