РАУС

У ходзе спецпраграмы “Мак” выяўлена і знішчана больш за 41 кг дзікарослых канопляў. Паступіла паведамленне ад асіпаўчаніна, у якога ноччу 19 жніўня ў рэстаране “Юбілейны” з кашалька знікла 350 рублёў. Выяўлена 4 трупы, у тым ліку мінчаніна, які патануў у неабсталяваным для купання месцы на рацэ Бярэзіна паблізу в. Вуглата, і жыхара в. Верайцы (самагубства).

РАСК

4 колы коштам 2195 рублёў скрадзены невядомым з прычэпа, які знахо-дзіўся ў двары дрэваапрацоўчага цэха лясгаса ў в. Крамок; з вытворчага цэха і кабінета дырэктара прыватнага прадпрыемства выкрадзены абсталяванне і грошы на суму 2288 рублёў.

2 крымінальныя справы ўзбуджаны па фактах зняцця грошай з раней скрадзеных банкаўскіх картак, столькі ж — за захоўванне наркатычных сродкаў.

18 жніўня жыхар Ліпеня ў сварцы пагражаў забіць аднавяскоўца сякерай.

У аг. Карытнае раней судзімы мясцовы жыхар, што знаходзіцца на ўліку ва ўрача-нарколага, пры сумесным распіцці спіртнога збіў сужыцельку, якая ад атрыманых траўмаў памерла на месцы злачынства.

ДАI

Папярэджана 94 парушэнні правілаў дарожнага руху, прыцягнуты да адказнасці 11 пешаходаў і веласіпедыстаў, 5 нецвярозых вадзіцеляў і 24, што не прытрымліваліся хуткаснага рэжыму. Адбылося 9 ДТЗ.

Увага! З 25 жніўня па 5 верасня — спецыяльнае комплекснае мерапрыемства “Увага — дзецI!”. Усе аўтамабілісты ў светлы час сутак АБАВЯЗАНЫ ехаць з уключаным на транспартным сродку блізкім святлом фар. Праігнараваўшым патрабаванне пагражае штраф у памеры да 2 базавых велічынь.

АУСТ

Складзена 20 матэрыялаў аб здарэннях і 64 адміністрацыйныя пратаколы, устаноўлена месцазнахо-джанне 2 грамадзян у вышуку, суправоджана 8 цягнікоў, з якіх знята 2 правапарушальнікі, канфіскавана 0,5 л самагону, знішчана 52,9 кг дзікарослых канопляў.

Увага! Па 25 жніўня сумесна з РАУС з мэтай забеспячэння грамадскага парадку, асабістай і маёмаснай бяспекі грамадзян на чыгунцы праводзіцца СКМ “Пасажыр”.

Дэпартамент аховы

За незаконны абарот алкагольнай прадукцыі да адміністрацыйнай адказнасці прыцягнуты 2 асобы, дробнае хуліганства — 5, з’яўленне ў грамадскіх месцах у нецвярозым выглядзе — 8, іншыя правапарушэнні — 5.

IАЖіРС

Складзена 4 пратаколы за парушэнне правілаў рыбалоўнай гаспадаркі, 3 — палявання, 2 — крадзеж сажалкавай рыбы. Выяўлены факт парушэння правілаў лесакарыстання з прыкметамі крыміналу.