У раённым Цэнтры народных рамёстваў і дэкаратыўна-прыкладнога мастацтва па 21 ліпеня праходзіць выстава мясцовых майстроў па вязанні кручком “Жаночыя рукі твораць дзівосы”.

Яе могуць наведаць усе жадаючыя, каб далучыцца да мастацтва, якое на Асіповіччыне добра ведаюць. Шыкоўныя сурвэткі і тонкія карункі, цёплыя шалікі і стыльныя блузкі, цацкі і рамкі для карцін — чаго толькі не вырабляюць рукадзельніцы з дапамогай кручкоў і нітак! Тут можна палюбавацца вынікам працы народных умельцаў, атрымаць кансультацыю ці пераняць тэхніку выканання.