ДАПАМОГА МАЛАМАЁМНЫМ

Для грамадзян, якія маюць невялікія даходы,
адпаведна Указу Прэзідэнта Рэспублікі Беларусь № 458 ад 14.09.2009 года
прадугледжана адрасная сацыяльная дапамога.

Як паведаміла начальнік аддзела сацыяльнай
абароны Ірына Лапанік, летась ва ўпраўленне па працы, занятасці і сацыяльнай
абароне райвыканкама з просьбай аб яе назначэнні звярнуліся 1.903 чалавекі.
Пасля разгляду прадастаўленых дакументаў камісія задаволіла 1.623 звароты.
Агульная сума дапамогі склала 395,6 мільёна рублёў. Сярод тых, хто атрымаў
грашовыя сродкі, 76 чалавек — інваліды трэцяй групы і дзеці ва ўзросце да 18
гадоў. Гэтыя людзі атрымалі адрасную сацыяльную дапамогу на аплату тэхнічных
сродкаў рэабілітацыі — слыхавых апаратаў, вочных пратэзаў, аднаразовых шпрыцоў,
тэст-палосак для вызначэння цукру ў крыві.

Пры звароце за назначэннем дзяржаўнай адраснай
сацыяльнай дапамогі ў выглядзе штомесячнай або аднаразовай сацыяльнай дапамогі
для сям’і заяву можа падаваць любы яе паўналетні член. За першыя тры месяцы
бягучага года ўжо паступілі заявы ад 555 чалавек. Дапамога назначана 4 сотням
на агульную суму 113,9 мільёна рублёў.