РАУС

У перыяд з 4 па 10 красавіка ўзбуджана 10
крымінальных спраў, выяўлена 4 выпадкі самагонаварэння і 6 крадзяжоў маёмасці.
Скончыў жыццё самагубствам 65-гадовы асіпаўчанін. Паступіла два паведамленні аб
прапаўшых без вестак: 57-гадовай жыхаркі вёскі Дрычын і рабочага ПБУП
«Рахматбуд” 1984 г.н.
Абодва мелі пры сабе грошы.

7 красавіка затрыманы дзве аўтамашыны КамАЗ,
вадзіцелі якіх перавозілі каля 12 тон металалому.

У пасёлку Сасновы за-трыманы жыхар Мінскай
вобласці, які здзейсніў крадзеж 160 літраў дызельнага паліва, што належаў ТАА
«ПрыватБел”.

ДАI

Спынена 159 парушэнняў правілаў дарожнага руху.
Прыцягнуты да адказнасці 4 п’яныя вадзіцелі, 105 парушальнікаў хуткаснага
рэжыму, 3 пешаходы, якія рухаліся па краю праезнай часткі, не маючы на адзенні
святлоадбіваючых элементаў. Адбылося 4 ДТЗ.

Адна з аварый адбылася ў в. Краснае, здзейсніў
яе мінчанін 1973 г.н.
Знаходзячыся за рулём аўтамабіля «Фольксваген-Гольф”, ён не справіўся з
кіраваннем, выехаў на абочыну і перакуліўся. У выніку пасажыр, які знаходзіўся
ў машыне, атрымаў лёгкія цялесныя пашкоджанні. Як аказалася, вадзіцель быў у
стане алкагольнага ап’янення.

АУСТ

Зарэгістравана 25 паведамленняў аб здарэннях.
Узбуджаны 3 крымінальныя справы. Затрыманы 4 чалавекі, якія знаходзі-ліся ў
вышуку. На 72 скла-дзены пратаколы за правапарушэнні на чыгунцы, 11 з іх — у
п’яным стане. Су-праводжаны 81 цягнік, з якіх зняты 5 грамадзян, распіваўшых у
вагоне спіртныя напоі.

Медвыцвярэзнік

З вуліц горада дастаўлена для працверажэння 33
мужчыны і 2 жанчыны. З іх: патрульна-паставой службай — 29, АУСТ — 5, аддзелам
Дэпартамента аховы — 1.

РАНС

Супрацоўнікі аддзела 4 разы выязджалі на месцы
здарэнняў, прычынай якіх сталі: задымленне пад’езда аднаго з дамоў па вуліцы
Юбілейнай, прычынай якога стала прыгатаванне ежы, і ўзгаранне смецця — у вёсках
Пратасевічы, Крычавец, Ручэй.

IАЖіРС

Выяўлены 3 парушэнні правілаў рыбалоўства. На
віноўных грамадзян, якія лавілі рыбу забароненымі сродкамі, складзены пратаколы
аб адміністрацыйных парушэннях.