26 сакавіка кіраўнікі райвыканкама і арганізацый
на спартакіядзе па плаванні змаглі прадэманстраваць сваё майстэрства.

У групе мужчын да 40 гадоў першым быў Генадзь
Гарбачоў (дарожна-эксплуатацыйнае ўпраўленне № 73), другім — Вітас Вайвада
(упраўленне магістральных газаправодаў). У групе жанчын да 40 перамагла Віта
Жукавец (раённы вузел электрасувязі), другое і трэцяе месцы занялі Алена
Жыліцкая (райкам ГА “БРСМ”) і Вольга Трацяк (райвыканкам).

У групе мужчын пасля 40 гадоў хутчэй за ўсіх
фінішаваў Мікалай Паздзееў (райбальніца), за ім — Артур Піскун (ТАА “Клівер”) і
Міхаіл Грыгорчык (райвыканкам). Сярод жанчын пасля 40 лепшай была Святлана
Мірановіч (райвыканкам), другой — Надзея Сасім (шклозавод “Ялізава”), трэцяй —
Тамара Бічан (райвыканкам).

* * *

На наступны дзень прайшлі спаборніцтвы па
плаванні ў праграме райспартакіяды паміж 14 арганізацыямі Асіповіччыны.

У першай групе бліснулі работнікі ФСК
“Лакаматыў”. Другой фінішавала каманда шклозавода “Ялізава”, трэцяй — завода
аўтаагрэгатаў.

У другой групе першую прыступку п’едэстала
гонару заняў малочны камбінат. Другім быў асіповіцкі доследны лясгас, трэцім —
УМГ.

У трэцяй групе першай стала каманда РВЭС, другой
— рыбгас “Свіслач”, трэцяй — ААТ “Асіповічыаграпрамтэхзабеспячэнне”.

Ганна ФАРЫДОВІЧ.