РАУС

У перыяд з 28 сакавіка па 3 красавіка ўзбуджана
15 крымінальных спраў, раскрыты 3 здзейсненыя раней злачынствы. Зафіксавана 10
супрацьпраўных учынкаў, сярод якіх: нанясенне цялесных пашко-джанняў — 3,
самагонаварэнне — 5, крадзеж — 2.

Вечарам 28 сакавіка раней судзімы жыхар в. Орча 1973 г.н. вырашыў нажыцца за
конт крадзяжу. Ён аблюбаваў дачны домік, які належыць 44-гадовай непрацуючай
асіпаўчанцы. Праз разбітае аконнае шкло выкраў рэчы на суму 1.600.000 рублёў,
за што і быў затрыманы.

29 чысла ў катлаване на адным з будаўнічых
аб’ектаў па вул. Чарняхоўскага рабочымі знойдзены 76 мм артылерыйскі снарад
часоў Вялікай Айчыннай вайны. Група размініравання з Бабруйска вывезла яго на
палігон «Рэпішча” і знішчыла.

ДАI

Спынена 133 парушэнні правілаў дарожнага руху.
Прыцягнуты да адказнасці 3 п’яныя вадзіцелі і 96 парушальнікаў хуткаснага
рэжыму. Адбылося 7 ДТЗ.

Так, 31 чысла каля 6 гадзін вечара жыхар Глуска,
праязджаючы на аўтамабілі «Сітраен С5» па адной з дваровых тэрыторый,
з-за няўважлівасці сутыкнуўся з прыпаркаваным «Сітраенам-Ксантыя» і з
месца здарэння знік. Аднак у хуткім часе нарад ДАI складаў на віноўнага
адміністрацыйны пратакол.

АУСТ

Атрыманы 22 паведамленні аб здарэннях. Узбуджана
1 крымінальная справа за крадзеж. Затрыманы 1 грамадзянін, які знаходзіўся ў
вышуку. На 75 чалавек скла-дзены пратаколы за правапарушэнні на чыгунцы.
Суправоджана 79 цягнікоў, дзе за-трымана 6 грамадзян, якія распівалі ў вагоне
спіртное.

Медвыцвярэзнік

З вуліц горада дастаўлена для працверажэння 36
аматараў злоўжывання алкаголем. У іх ліку 13 непрацуючых грамадзян, 2
пенсіянеры.

РАНС

3 красавіка на пачатку 10 гадзіны вечара на ст.
Ясень загарэўся дачны домік, які размешчаны на землях садаводчага таварыства
«Канструктар”. Агнём пашко-джаны дах і перакрыцці.

IАЖіРС

Складзены 3 пратаколы на грамадзян, якія парушылі:
правілы гандлю азёрна-рачной рыбай — 1, парадак нарыхтоўкі і вывазу драўніны —
1, правілы палявання — 1.