Добраўпарадкаванне

Сыход снегу традыцыйна дае старт вясенняй
кампаніі па навядзенні парадку на зямлі.

23 сакавіка адбыўся першы вясенні рэйд, падчас
якога прадстаўнікамі райэкалогіі, ДДЛГУ «Асіповіцкі доследны лясгас” і
«раёнкі” быў агледжаны шэраг адрасоў, дзе па папярэдняй інфармацыі пасля зімы
можна было сустрэць «смеццевую жудасць”.

Дзеля справядлівасці трэба адзначыць, што
змрочныя прагнозы спраўдзіліся толькі часткова: нельга сказаць, што ўсе
агледжаныя тэрыторыі былі ў ідэальным стане, але са-праўды ўражваючых памераў
бязладдзе было выяўлена толькі на кантэйнернай пляцоўцы гаражнага кааператыва
«Аўтааматар № 1”.
Праўда, на момант правядзення рэйду там ужо працаваў пагрузчык.

Аднак добраўпарадкаванне населеных пунктаў —
гэта не толькі барацьба са смеццем. Яго важны кампанент — стварэнне зручных
умоў існавання для чалавека. І вось тут, на жаль, Асіповічам ганарыцца можна не
ўсім. Прыклады?

Брукаваная дарожка, якая злучае гандлёвы цэнтр
«Сіці-Мол» з масівам жылых дамоў на перакрыжаванні вуліц Сумчанкі і
60 гадоў Кастрычніка, спраектавана так, што падчас таяння снегу альбо
выпадзення больш-менш значнага дажджу пераўтвараецца ў глыбокае возера з
багністымі берагамі…

Зміцер КАЛЯДА.