Работа Таццяны ГардзіенкІ заўсёды навідавоку,
калі атрымліваем квітанцыі аб камунальных плацяжах — вось ужо больш за 10 гадоў
працуе яна кантралёрам-цеплавіком у жыллёва-камунальнай гаспадарцы. Штодзень ёй
трэба праверыць работу 47 прыбораў уліку цяпла, а гэта значыць, наведаць
столькі падвалаў гарадскіх шматпавярховак. Акрамя таго, што трэба зняць
паказчыкі і перадаць у вытворча-тэхнічны аддзел УКП ЖКГ, ёй неабходна
прааналізаваць дзейнасць лічыльнікаў, вызначыць, калі ў гэтым ёсць
неабходнасць, няспраўнасць, тэрмінова звязацца з адпаведнай службай па рамонту
і г.д. А яшчэ сустрэцца са злоснымі неплацельшчыкамі і пераканаць апошніх, што
за выкарыстанае цяпло плаціць трэба.

Хоць і не так шмат часу прайшло з таго моманту,
як звязала жанчына сваё жыццё з прадпрыемствам, але яна лічыць УКП ЖКГ родным
домам. Мусіць, яшчэ і таму, што побач шчыруюць яе родныя людзі.

— Паболей бы нам такіх работнікаў, як
Гардзіенкі, — заўважае інжынер па падрыхтоўцы кадраў Ірына Хічэўская. —
Сумленна выканаюць любую даручаную справу. І Таццяна Пятроўна, і Мікалай
Іванавіч, які працуе вадзіцелем, — лепшыя працаўнікі нашага прадпрыемства.

Дастойна прадаўжае дынастыю Гардзіенкаў сын
Руслан, які з 2007 года працуе тут слесарам КВПіА і паралельна вучыцца на 4
курсе БНТУ — будучы інжынер-цеплатэхнік.