РАУС

22 і 23 сакавіка паступілі паведамленні ад асіпаўчанкі і жыхаркі в. Осава, якім пагражалі забойствам нажом муж і сужыцель. У ЦРБ з траўмамі галавы трапілі нецвярозы бабруйчанін і 17-гадовая дзяўчына, якая ўчыніла спробу суіцыду. У пенсіянера, які спаў на аўтобусным прыпынку, невядомай асобай выкрадзена барсетка з маёмасцю на суму звыш 380 рублёў. Устаноўлена асоба, што 19 сакавіка скрала каня і воз з тэрыторыі малочнатаварнай фермы: злачынства здзейсніў непрацуючы жыхар Жлобінскага раёна. 25 сакавіка пры правядзенні работ паблізу гарадскіх могілак па вул. Працоўнай знойдзены снарад часоў вайны.

РАСК

Узбуджаны 2 крымінальныя справы па фактах злачынстваў у сферы інфармацыйных тэхналогій: навучэнец каледжа ў ліпені мінулага года выклаў у сацыяльнай сетцы матэрыялы парнаграфічнага характару, невядомая асоба 15 сакавіка размясціла ў інтэрнэце лжывыя звесткі аб выплаце штрафу за наведванне парнаграфічных сайтаў, чым блакіравала аперацыйную сістэму камп’ютара пенсіянера. Дзве крымінальныя справы ўзбуджаны і ў сферы незаконнага абароту наркатычных сродкаў.

ДАI

Прыцягнута да адказнасці 5 парушальнікаў хуткаснага рэжыму, 20 пешаходаў і веласіпедыстаў, 2 нецвярозыя вадзіцелі. Папярэджана 97 правапарушэнняў. Адбылося 5 ДТЗ.

23 сакавіка на аўтадарозе Барысаў-Бярэзіна-Бабруйск у раёне в. Прыцерпа нецвярозы вадзіцель “Міцубісі” не справіўся з кіраваннем і сутыкнуўся з аўтамабілем “МАЗ”.

Увага! Па 4 красавіка з мэтай недапушчэння ДТЗ з удзелам непаўналетніх праводзіцца рэспубліканская прафілактычная акцыя “Бяспека дзяцей — прыярытэт для дарослых!”

АУСТ

Складзена 48 адміністрацыйных пратаколаў, суправоджана 125 цягнікоў, з якіх знята 3 правапарушальнікі, устаноўлена месцазнаходжанне 5 асоб у вышуку. Узбуджаны крымінальныя справы па фактах крадзяжу і захоўвання наркотыкаў.

Увага! З 29 сакавіка па 2 красавіка — СКМ “Прыгарадны цягнік”.

Дэпартамент аховы

Да адказнасці прыцягнута 7 асоб, што з’яўляліся ў грамадскіх месцах у нецвярозым выглядзе, 3 — парушыўшых ПДР, 2 і 1 — здзейсніўшых дробныя хуліганства і крадзеж, 5 — за іншае.

РАНС

Увага! Выпальванне сухой расліннасці, траў на корані і інш. цягне адказнасць у выглядзе штрафу ад 10 да 40 БВ.

IАЖіРС

11 адміністрацыйных пратаколаў складзена за парушэнне правілаў лесакарыстання, 2 — рыбалоўства, 1 — за крадзеж сажалкавай рыбы.