19 лютага завяршылася абласная спартакіяда
2010-2011 гг. сярод калектываў філіялаў КУП “Магілёўаблдарбуд”.

У спаборніцтвах прыняло ўдзел 25 каманд.
Асіповічы прадстаўляла спартыўная дэлегацыя ад “ДРБУ-199”, куды ўвайшлі 18 чалавек.
Землякі выкарыстоўвалі ўсе магчымасці для паляпшэння сваёй фізічнай формы:
займаліся ў час абедзеннага перапынку і пасля працы. І — недарэмна, яны
ўпершыню сталі пераможцамі спартакіяды!

Апошнюю ў валейбольнай гульні кропку паставіла
Наталля Кароль. Бліскучы вынік у настольным тэнісе паказалі Віталь Жураўлёў і
Галіна Хацяновіч. У плаванні мацнейшымі сталі Аляксандр Асадчы, Міхаіл Ванцаў,
Анжэла Лёля, Таццяна Князевіч. За лепшы вынік у гіравым спорце Алег Забаўскі
быў узнагароджаны Дыпломам І ступені і каштоўным падарункам.