Асіповіцкі раён. Саветы за работай
ПАСЯДЖЭННI адразу трох пастаянных камісій раённага Савета дэпутатаў — па аграрных пытаннях і сацыяльным развіцці тэрыторый, сацыяльна-культурнай сферы і сацыяльнай абароне насельніцтва і законнасці, правапарадку і абароне правоў грамадзян — прайшлі 10 лютага з удзелам старшыні райсавета Аляксандра Пузіка.
Напачатку дэпутаты разгледзелі пытанні аб рабоце Асіповіцкага УКП ЖКГ па забеспячэнні схемы санітарнай ачысткі населеных пунктаў раёна і ўтрыманні міні-палігонаў і крымінальна-выканаўчай інспекцыі РАУС па прафілактыцы рэцыдыўнай злачыннасці, потым заслухалі справаздачу дэпутата Валянціны Грышановіч аб дзейнасці ў Вяззеўскай выбарчай акрузе № 27 і выкананні даручэнняў райсавета і яго органаў, а завяршылі пасяджэнні выездам у раённы гісторыка-краязнаўчы музей, каб непасрэдна на месцы азнаёміцца з работай установы культуры па захаванні і прымнажэнні гістарычнай спадчыны і народных традыцый.
