ХронIка здарэнняў №19
47 28 февраля 2011 10:15
РАУС
У перыяд з 21 па 27 лютага ўзбуджана 8
крымінальных спраў, выяўлена 2 выпадкі самагонаварэння і 1 кра-дзеж маёмасці.
Раскрыты 2 злачынствы, здзейсненыя некалькі месяцаў назад.
Сярод выпадкаў парушэння законаў, якія
перададзены на вывучэнне следчым, два яўна выхо-дзяць за межы звыклага
крымінальнага “фону”.
Дэпартаваны 3 лютага расіянін, якому ўезд на
тэрыторыю краіны быў забаронены на 5 гадоў, ужо на наступны дзень вярнуўся ў
Беларусь і некалькі тыдняў нелегальна пражываў на тэрыторыі нашага раёна.
Раней несудзімы 27-гадовы жыхар Асіповіч у
грамадскім месцы зняў штаны і бялізну з мэтай… прадэманстраваць прысутным
жанчынам сваю прыналежнасць да мужчынскага полу. Бязглуздасць учынку не
выслабаняе ад адказнасці — праяўленне яўнай непавагі да грамадства Крымінальны
кодэкс адназначна трактуе як “хуліганства”.
ДАI
Спынена 113 парушэнняў правілаў дарожнага руху.
Прыцягнута да адказнасці 6 п’яных вадзіцеляў, 3 парушаль-нікі хуткаснага
рэжыму, 5 пешаходаў, якія ішлі па краю праезнай часткі без святлоадбіваючых элементаў
на адзенні. Адбылося 7 ДТЗ.
У сярэдзіне дня 23 лютага на прамым участку
аўтадарогі Асіповічы-Свіслач каля вёскі Орча аўтамабіль
“Фальксваген-Гольф” з’ехаў у кювет, дзе ўрэзаўся ў дрэва і
перакуліўся. Вадзіцель машыны — жыхар вёскі Ліпень — загінуў на месцы аварыі.
Прычына трагедыі — парушэнне нябожчыкам правілаў абгону.
АУСТ
Затрымана 79 правапарушальнікаў, канфіскавана 125 л самагоннай брагі і 360
кантрабандных цыгарэт.
Узбуджана крымінальная справа па факце
карыстання фальшывымі дакументамі на права бясплатнага праезду.
РАНС
Раніцай 26 чысла па невядомай пакуль прычыне
ўспыхнуў трактар МТЗ-320, які знаходзіўся ў гаражы ДУКВП “Райсэрвіс”.
На наступную ноч з-за неасцярожнасці пры курэнні
загарэўся прыватны жылы дом у Асіповічах.
РАНС
Затрыманы два браканьеры-рыбакі, зняты і
знішчаны 24 лоўчыя пятлі, вядзецца праверка абставін незаконнай здабычы казулі.
ХронIка здарэнняў №19
0 28 февраля 2011 10:15
