Медалём «За працоўныя заслугі» ўзнагародзілі асіпаўчаніна Віктара Дамарада
28 снежня Прэм’ер-міністр Беларусі Андрэй Кабякоў па даручэнні Прэзідэнта краіны ўручыў дзяржаўныя ўзнагароды 140 прадстаўнікам прамысловасці, сельскай і лясной гаспадаркі, сацыяльнай сферы, дзяржслужачым, творчай інтэлігенцыі.
Сярод тых, хто за шматгадовую плённую працу, узорнае выкананне службовых абавязкаў, дасягненне высокіх вытворчых паказчыкаў і значны асабісты ўклад у развіццё лясной гаспадаркі быў адзначаны медалём “За працоўныя заслугі” і галоўны ляснічы ДДЛГУ “Асіповіцкі доследны лясгас” Віктар Дамарад.
Для Віктара Уладзіміравіча гэтая ўзнагарода стала свайго роду падвядзеннем вынікаў работы на азначанай пасадзе. Сёння ён — інжынер па ахове лесу: змяніў поле дзейнасці на больш “вузкае” пасля дасягнення пенсіённага ўзросту. Не таму, што няма ідэй, сіл і жадання працаваць, але ж трэба даваць дарогу маладым…
